LPG Price Hike : देशभरातील सर्वसामान्य नागरिकांना महागाईचा आणखी एक फटका बसला आहे. घरगुती वापराच्या 14.2 किलो एलपीजी गॅस सिलेंडरच्या दरात 29 रुपयाची वाढ करण्यात आली आहे. नव्या दरांची अंमलबजावणी तत्काळ करण्यात आली आहे. या वाढीमुळे स्वयंपाकघराचा खर्च वाढणार असून कुटुंबांच्या मासिक बजेटवर अतिरिक्त भार पडणार आहे.
सरकारी तेल कंपन्यांनी जाहीर केलेल्या नव्या दरांनुसार, दिल्लीत घरगुती गॅस सिलेंडरची किंमत 942 झाली आहे. कोलकात्यात ग्राहकांना आता 968 मोजावे लागणार आहेत. मुंबई आणि पुण्यात सिलेंडरचा दर 941.50 वर पोहोचला असून चेन्नईमध्ये तो 957.50 इतका झाला आहे. (LPG Price Hike)
Also Read : ४९१.७० कोटींचा नियतव्यय मंजूर; अधिकाऱ्यांच्या दिरंगाईमुळे अंमलबजावणीवर प्रश्नचिन्ह – राजेंद्र पातोडे
अलीकडच्या काळात पेट्रोल, डिझेल, सीएनजी तसेच जीवनावश्यक वस्तूंच्या वाढत्या किमतींमुळे नागरिक आधीच आर्थिक दबावाखाली आहेत. अशातच एलपीजीच्या दरवाढीमुळे मध्यमवर्गीय आणि अल्प उत्पन्न गटातील कुटुंबांच्या खर्चात आणखी वाढ होणार आहे. अनेक कुटुंबांसाठी हा अतिरिक्त खर्च चिंतेचा विषय ठरत आहे. याआधी व्यावसायिक एलपीजी सिलेंडरच्या दरातही वाढ करण्यात आली होती. मे महिन्यात मोठी दरवाढ झाल्यानंतर जूनच्या सुरुवातीलाही व्यावसायिक सिलेंडरचे दर पुन्हा वाढवण्यात आले होते. त्यामुळे हॉटेल, रेस्टॉरंट आणि लघुउद्योग क्षेत्रावरही आर्थिक परिणाम होत असल्याचे चित्र पाहायला मिळाले. (LPG Price Hike)
Also Read : आशिया कप २०२६: भारतीय अंडर-१८ पुरुष हॉकी संघ ठरला चॅम्पियन; जपानचा ४-१ ने पराभव!
दरम्यान, पश्चिम आशियातील तणावपूर्ण परिस्थिती, विशेषतः इराणमधील संघर्ष आणि जागतिक ऊर्जा बाजारातील अनिश्चितता यामुळे पेट्रोलियम उत्पादनांच्या किमतींवर दबाव वाढण्याची शक्यता वर्तवली जात आहे. घरगुती गॅसच्या नव्या दरवाढीमुळे महागाईच्या ओझ्याखाली दबलेल्या नागरिकांच्या अडचणी वाढण्याची शक्यता आहे.
