पुणे : सत्ता परिवर्तन महासभेला सर्व जाती धर्माचा प्रंचड जनसमुदाय उसळला आहे. त्याचप्रमाणे सर्व जाती धर्माचे नेते देखील मंचावर ॲड. प्रकाश आंबेडकर यांच्या प्रमुख मार्गदर्शनाखाली उपस्थित असल्याचे पाहायला मिळाले. ओबीसी, मराठा, मुस्लीम, धनगर आणि वडार समाजाच्या नेत्यांचाही यात सहभाग आहे. यामध्ये ओबीसी समाजाचे नेते प्रकाश शेंडगे, टी. पी. मुंडे, डाॅ. किसन चव्हाण, अरुंधतीताई शिरसाट, नीलेश विश्वकर्मा, प्रियदर्शी तेलंग, अनिल जाधव, इम्तियाज नदाफ, सोमनाथ साळुंखे आदी उपस्थित होते.
सर्व जाती धर्मातील नेत्यांनी वेधले लक्ष
ॲड. प्रकाश आंबेडकर यांच्या अकोला पॅटर्नची चर्चा याआधीही झाली आहे. पण ॲड. आंबेडकर यांचे सोशल इंजिनिअरिंग देखील अतिशय महत्वाचे असून, त्याचीही प्रचिती या सत्ता परिवर्तन महासभेत येत आहे. विविध जाती समूहातून तसेच विविध धर्म आणि पंथाचे प्रमुख नेते वंचित बहुजन आघाडीच्या या सत्ता परिवर्तन महसभेसाठी ॲड. प्रकाश आंबेडकर यांच्यासोबत मंचावर आहेत. ही बाब लक्षवेधी ठरत आहे.
