अहमदनगर: कोपरगाव मध्ये ॲड. बाळासाहेब आंबेडकर यांच्या नेतृत्वाखालील वंचित बहुजन आघाडीच्या ध्येय-धोरणांवर आणि वंचित समाजाच्या हक्कांसाठी पक्षाने घेतलेल्या ठाम भूमिकेवर विश्वास व्यक्त करत कोपरगाव येथील सामाजिक व राजकीय कार्यकर्ते प्रकाश दुशिंग यांनी आपल्या सहकाऱ्यांसह वंचित बहुजन आघाडीत जाहीर प्रवेश केला.
यावेळी डॉ. बाबासाहेब आंबेडकर फाउंडेशनच्या असंख्य कार्यकर्त्यांनीही पक्षात प्रवेश केला. हा प्रवेश सोहळा वंचित बहुजन आघाडीच्या राज्य प्रवक्त्या उत्कर्षा रूपवते यांच्या प्रमुख उपस्थितीत पार पडला. या पक्ष प्रवेशामुळे कोपरगाव तालुक्यात वंचित बहुजन आघाडीची संघटनात्मक ताकद आणखी वाढेल आणि पक्षाचे कार्य अधिक प्रभावीपणे जनतेपर्यंत पोहोचणार असा विश्वास यावेळी व्यक्त करण्यात आला.
या प्रसंगी संतोष चोळके, महासचिव मधुकर साळवे, ज्येष्ठ कार्यकर्ते सुनील वाघमारे, संजय भालेराव, डॉ. गौतम चित्ते तसेच पक्षाचे पदाधिकारी आणि कार्यकर्ते मोठ्या संख्येने उपस्थित होते.
