नांदेड : वंचित बहुजन आघाडी नांदेड जिल्हा कमिटीच्या वतीने ‘किनवट संवाद दौरा टप्पा-२’ अंतर्गत रविवार, १६ ऑगस्ट २०२६ रोजी शासकीय विश्रामगृह, गोकुंदा, किनवट येथे संघटनात्मक बांधणी आणि जाहीर पक्षप्रवेश सोहळा उत्साहात पार पडला. या कार्यक्रमाला मोठ्या संख्येने कार्यकर्ते व नागरिक उपस्थित होते.
यावेळी विविध क्षेत्रांतील अनेक बहुजन कार्यकर्ते व नागरिकांनी वंचित बहुजन आघाडीच्या ध्येय-धोरणांवर विश्वास व्यक्त करत पक्षात जाहीर प्रवेश केला. नव्याने पक्षात सहभागी झालेल्या सर्व सहकाऱ्यांचे पदाधिकाऱ्यांकडून मनःपूर्वक स्वागत करण्यात आले.
बैठकीदरम्यान पक्षाची संघटनात्मक बांधणी अधिक मजबूत करण्यासह वंचित बहुजन आघाडीचे विचार तळागाळातील जनतेपर्यंत पोहोचविण्याबाबत सविस्तर चर्चा करण्यात आली. सोशल इंजिनिअरिंगच्या माध्यमातून व्यापक पक्षबांधणी करणे, गाव व तालुका पातळीवर नवीन शाखांची उभारणी करणे तसेच भव्य सभासद नोंदणी मोहीम प्रभावीपणे राबविणे, या प्रमुख विषयांवर पदाधिकारी व कार्यकर्त्यांनी चर्चा केली.
प्रमुख पदाधिकाऱ्यांची उपस्थिती
कार्यक्रमाला वंचित बहुजन आघाडीचे जिल्हाध्यक्ष प्रा. राज अटकोरे, उपाध्यक्ष पंढरी अहंकारे, के. एच. वने, बालाजी इंगोले, दिनेश कांबळे, सल्लागार प्रा. प्रल्हाद इंगोले, तालुकाध्यक्ष निखिल वाघमारे, तसेच हर्ष वाघमारे, प्रविण गायकवाड आणि महासचिव दूधराम राठोड यांची प्रमुख उपस्थिती होती.
कार्यकर्ते व महिला आघाडीचा मोठा सहभाग
कार्यक्रमाला देवराव सोनकांबळे, डॉ. अर्जुन चव्हाण, सचिन हाटकर, अमोल गोवंदे, सुरेश मुनेश्वर, विजय पाटील, सुधाकर हलवले, सम्राट कावळे, महेंद्र वासाटे, राजू मेश्राम, आकाश वाघमारे, भैयासाहेब, साहेबराव आणि यशपाल मुनेश्वर यांच्यासह अनेक कार्यकर्ते उपस्थित होते.
तसेच महिला आघाडीच्या छायाबाई बहादुरे, रुक्मिनाबाई मस्के, सुशीला बलखंडे, लीलाबाई, निर्मलाबाई पाटील, लीलाबाई मुनेश्वर, सुमेधाताई पुपलवाड, ज्योतीताई कावळे, रुक्मिनाबाई गिमेकर आणि गंगासागरबाई शिंदे यांच्यासह महिला कार्यकर्त्यांनी मोठ्या संख्येने सहभाग नोंदविला. कार्यक्रमाच्या शेवटी महासचिव दूधराम राठोड यांनी उपस्थितांचे आभार मानले.
