नांदेड : जयभीम नगर येथे मागील अनेक दिवसांपासून पाईपलाईन खराब झाल्यामुळे नागरिकांना मोठ्या त्रासाला सामोरे जावे लागत होते. नागरिकांच्या समस्येची तात्काळ दखल घेत वंचित बहुजन आघाडीच्या प्रभाग क्र. ७ मधील चारही नगरसेवकांच्या वतीने नवीन पाण्याची पाईपलाईन बसविण्याच्या कामाला आज सुरुवात करण्यात आली.
कामाच्या आरंभा पूर्वी डॉ. बाबासाहेब आंबेडकर यांना अभिवादन करण्यात आले. यावेळी उपस्थित मान्यवरांच्या हस्ते कामाची सुरवात करण्यात आली.
यावेळी वंचित बहुजन आघाडीचे प्रदेश सदस्य, गटनेते तथा नगरसेवक प्रशांत इंगोले, युवक आघाडी महानगर अध्यक्ष तथा स्थायी समिती सदस्य नगरसेवक राहुल मधुकरराव सोनसळे, नगरसेवक प्रतिनिधी जब्बू भाई आणि नगरसेविका राजश्री कुलदिप राक्षसमारे यांची उपस्थिती होती.
सामान्य नागरिकांच्या प्रश्नांसाठी संवेदनशीलपणे उभे राहणे आणि प्रश्न सुटेपर्यंत पाठपुरावा करणे, हीच वंचित बहुजन आघाडीचे नेते प्रकाश आंबेडकर साहेबांची शिकवण आहे. याच विचारातून जयभीम नगरातील नागरिकांच्या पाईपलाईनच्या समस्येवर तातडीने कार्यवाही करण्यात आली.
महत्वाची बाब म्हणजे पिपण्याच्याव पाण्याची सर्वात गंभीर समस्या जय भीम नगर येथे झाली होती नगरसेविका राजेश्रीताई कुलदीप राक्षसमारे यांच्या सतत्त च्या पाठपुऱ्याव्या मुळे सहकारी नगरसेवक यांच्या साथ मुळे आज हा महत्वाचा प्रश्न सुटला.
