Instagram Plus : सोशल मीडिया क्षेत्रातील आघाडीची कंपनी मेटाने भारतात इंस्टाग्रामसाठी नवीन पेड सब्सक्रिप्शन सेवा ‘इंस्टाग्राम प्लस’ सुरू केली आहे. या सेवेअंतर्गत वापरकर्त्यांना अनेक विशेष फीचर्स, प्रगत इनसाइट्स आणि अधिक कस्टमायझेशन पर्याय उपलब्ध होणार असून यासाठी दरमहा 299 रुपये मोजावे लागणार आहेत.
‘इंस्टाग्राम प्लस’ हे ऐच्छिक (Optional) सब्सक्रिप्शन असून, अधिक प्रभावी आणि वैयक्तिक अनुभव शोधणाऱ्या वापरकर्त्यांसाठी ते तयार करण्यात आले आहे. या प्लॅनमध्ये स्टोरी फीचर्सना विशेष महत्त्व देण्यात आले आहे. यामुळे वापरकर्त्यांना त्यांच्या स्टोरी किती वेळा पुन्हा पाहिल्या गेल्या याची माहिती मिळणार आहे. Instagram Plus
Also Read : वसई-विरार: वंचित बहुजन महिला आघाडीतर्फे गुणवंत विद्यार्थ्यांचा सत्कार; ‘घे भरारी तुझ्या स्वप्नांची’ उपक्रमाचा ५ वा वर्धापनदिन उत्साहात
तसेच ‘क्लोज फ्रेंड्स’ व्यतिरिक्त अमर्यादित स्टोरी ऑडियन्स लिस्ट तयार करण्याची सुविधाही देण्यात आली आहे. याशिवाय, इतरांच्या स्टोरीज व्यूअर लिस्टमध्ये नाव न दिसता त्यांचे प्रिव्ह्यू पाहण्याचा पर्यायही या सब्सक्रिप्शनमध्ये समाविष्ट आहे. स्टोरीची कालमर्यादा 24 तासांवरून 48 तासांपर्यंत वाढवण्याची सुविधादेखील उपलब्ध करून देण्यात आली आहे.
इंस्टाग्राम वापरकर्ते आठवड्यातून एकदा आपल्या स्टोरीला स्पॉटलाइट करू शकतील. तसेच स्टोरी पाहणाऱ्यांची नावे शोधण्यासाठी स्वतंत्र सर्च पर्याय देण्यात आला आहे. विशेष म्हणजे, पोस्ट फॉलोअर्सच्या फीडमध्ये न दाखवता थेट प्रोफाइल आणि हाइलाइट्समध्ये पोस्ट करण्याची सुविधाही मिळणार आहे. Instagram Plus
Also Read : मुशाफिरी यात्रेतून भटके-विमुक्त समाजाच्या जनगणनेचा प्रश्न ऐरणीवर; 78 वर्षांनंतरही स्मशानभूमीची सोय नाही – ॲड. डॉ. अरुण जाधव
इंस्टाग्राम प्लस सदस्यांसाठी काही आकर्षक कॉस्मेटिक फीचर्सदेखील उपलब्ध करण्यात आले आहेत. यात सुपर हार्ट नावाचे अॅनिमेटेड रिअॅक्शन्स, विशेष बायो फॉन्ट्स, कस्टम अॅप आयकॉन्स आणि प्रोफाइल पिन्सचा समावेश आहे. या सुविधेमुळे वापरकर्ते आपल्या प्रोफाइलवर सहा पोस्ट पिन करून महत्त्वाचा कंटेंट अधिक प्रभावीपणे हायलाइट करू शकतील.
