कवठा येथे वंचितच्या शाखेचे उद्घाटन

उमरगा : तालुक्यातील कवठा येथे वंचित बहुजन आघाडीची शाखा स्थापन करण्यात आली. या शाखेचे उद् घाटन वंचितचे जिल्हा उपाध्यक्ष सचिन माने, मार्गदर्शक बाबूराव गायकवाड, वंचितचे तालुकाध्यक्ष कृष्णा जमादार यांच्या हस्ते करण्यात आले. या वेळी सरपंच महादेव कांबळे अध्यक्षस्थानी होते. दिलीप सुरवसे यांनी प्रास्ताविक केले.

वंचितचे तालुका उपाध्यक्ष नेताजी गायकवाड यांनी मनोगत व्यक्त केले. तालुकाध्यक्ष कृष्णा जमादार यांनी वंचितची भूमिका समजावून सांगितली. या प्रसंगी वंचितचे जिल्हा उपाध्यक्ष सचिन माने, तालुकाध्यक्ष कृष्णा जमादार, तालुका उपाध्यक्ष किरण गायकवाड, सचिव सिद्धार्थ गायकवाड, सहसचिव सुरेश मामा औरादकर भीमराष्ट्र ग्रुपचे उपाध्यक्ष प्रकाश कांबळे, तालुका अध्यक्ष संतोष गायकवाड, पदाधिकारी बालाजी गायकवाड, दत्ता गायकवाड व ग्राम शाखेचे पुरुष मंडळ व महिला आघाडी शाखेच्या महिला उपस्थित होत्या.