झारखंड : झारखंडच्या राजकारणात ‘दिशोम गुरु’ म्हणून ओळखले जाणारे, राज्याचे माजी मुख्यमंत्री आणि झारखंड मुक्ती मोर्चा (JMM) चे संस्थापक शिबू सोरेन यांचं वयाच्या ८१ व्या वर्षी निधन झालं आहे. दिल्लीच्या सर गंगाराम रुग्णालयात त्यांनी अखेरचा श्वास घेतला. गेल्या अनेक दिवसांपासून ते किडनीच्या आजाराने त्रस्त होते आणि जून महिन्याच्या शेवटच्या आठवड्यापासून त्यांच्यावर उपचार सुरू होते.
झारखंडचे विद्यमान मुख्यमंत्री हेमंत सोरेन यांचे वडील असलेल्या शिबू सोरेन यांच्या निधनानंतर राजकीय वर्तुळातून तीव्र शोक व्यक्त केला जात आहे. मुख्यमंत्री हेमंत सोरेन यांनी सोशल मीडियाच्या माध्यमातून आपल्या भावनांना वाट मोकळी करून दिली. “आदरणीय दिशोम गुरुजी आपल्याला सोडून गेले. आज मी शून्य झालो आहे,” असं म्हणत त्यांनी आपल्या भावना व्यक्त केल्या.
शिबू सोरेन यांचं निधन हे झारखंडच्या राजकारणासाठी एक मोठी हानी आहे. एका सामान्य कुटुंबातून येऊन मुख्यमंत्रीपदापर्यंतचा त्यांचा प्रवास हा संघर्षमय आणि प्रेरणादायी होता. देशाच्या राजकारणात त्यांनी आपलं एक वेगळं स्थान निर्माण केलं होतं.
बाळासाहेब आंबेडकर यांच्याबद्दल अपमानास्पद पोस्ट; संबंधित फेसबुक पेज आयडी बंद करून गुन्हे दाखल करा – वंचित बहुजन आघाडीची मागणी
परभणी : वंचित बहुजन आघाडीचे राष्ट्रीय अध्यक्ष ॲड. बाळासाहेब आंबेडकर यांच्याविषयी सोशल मीडियावर करण्यात आलेल्या अपमानास्पद, द्वेषजनक आणि दिशाभूल करणाऱ्या...
Read moreDetails 
			

 
							




