नवी दिल्ली(ता.1डिसेंबर) : संविधानदिनी भारतीय सर्वाच्च न्यायालयाच्या प्रांगणात भारतरत्न, डॉ. बाबासाहेब आंबेडकरांच्या पुतळ्याचे अनावरण सरन्यायाधीश डी. वाय. चंद्रचूड यांच्यासह भारताच्या राष्ट्रपती द्रौपदी मुर्मू यांच्या हस्ते झाले होते. ७ फूट उंचीचा हा डॉ. बाबासाहेब आंबेडकरांचा पुतळा असून त्यात त्यांना वकिली पोषाख परिधान करण्यात आला आहे.
दिल्लीतील सर्वाच्च न्यायालयातील प्रांगणात असलेल्या भारतरत्न, डॉ. बाबासाहेब आंबेडकरांच्या पुतळ्यासोबत वंचित बहुजन आघाडीचे राष्ट्रीय अध्यक्ष, ॲड.प्रकाश आंबेडकर यांनी दिल्ली दौऱ्यात असताना फोटो काढला असून, तो समाज माध्यमांवर शेअर केला आहे. मी पहिले कुठे थांबलो याचा अंदाज करा. असे त्यांनी यात म्हटले आहे.
