देहूगाव (जि. पुणे) : श्री संत तुकाराम महाराजांचा पालखी सोहळा आषाढी वारीसाठी बुधवारी दुपारी अडीच वाजता देहूमधील देऊळवाड्यातून पंढरपूरकडे प्रस्थान होणार आहे. यंदाचा ३४० वा पालखी सोहळा आहे. यामध्ये श्री संत तुकाराम महाराज संस्थानच्यावतीने संपूर्ण तयारी करण्यात आली आहे. या प्रस्थान सोहळ्यात मुख्यमंत्री देवेंद्र फडणवीस, उपमुख्यमंत्री अजित पवार, केंद्रीय राज्यमंत्री मुरलीधर मोहोळ उपस्थित राहणार आहेत.
श्री संत तुकाराम महाराज चांदीच्या रथाला उजाळा देण्यात आला आहे. त्याला आठ कॅमेरे लावण्यात आले आहेत. तसेच मंदिरात ४२ कॅमेरे लावण्यात आले आहेत. त्याचप्रमाणे मंदिराच्या कळसाला फुलांची सजावट करण्यात आली आहे. सकाळी भाजनी मंडपमध्ये प्रस्थानापूर्वी देहूकर महाराजांचे काल्याचे कीर्तन होईल. दुपारी अडीचला पालखीचे प्रस्थान ठेवले जाणार आहे.
कसा आहे संत तुकाराम महाराजांच्या पालखीचा मार्ग
१८ जून- देहूतून प्रस्थान १९ जून- आकुर्डी २० जून- नाना पेठ, पुणे २१ जून- निवडुंगा विठ्ठल मंदिर, पुणे २२ जून- लोनी काळभोर २३ जून- यवत २४ जून- वरवंड २५ जून- उंडवडी गवळ्याची २६ जून- बारामती २७ जून- सणसर २८ जून- निमगाव केतकी, २९ जून- इंदापूर ३० जून- सराटी १ जुलै- अकलूज २ जुलै बोरगाव श्रीपूर ३ जुलै- पिराची करौली ४ जुलै- वाखरी ५ जुलै- पंढरपूर
पालखी सोहळ्यात रंगणार तीन उभे, तीन गोल रिंगण- बेलवडी येथे पहिले गोल रिंगण- काटेवाडी येथे मेंढ्यांचे रिंगण- इंदापूर येथे दुसरे गोल रिंगण – सराटी येथे पादुकांना नीरास्नान – अकलूज येथे तिसरे गोल रिंगण – माळीनगर येथे पहिले उभे रिंगण तोंडले बोंडले येथे धावा- बाजीराव विहीर येथे दुसरे उभे रिंगण – वाखरी येथे पादुका आरती आणि तिसरे उभे रिंगण- यंदा तिथीचा क्षय झाल्याने आंथुर्णे येथील पालखीचा मुक्काम रह- यंदा पालखी रथाच्या पुढे २७ व मागे ३७० दिंड्या सहभागी होणार
