वाशिम : वाशिम जिल्ह्यातील कारंजा तालुक्यात रेशनच्या धान्याचा काळाबाजार करणाऱ्या रॅकेटचा पर्दाफाश झाला आहे. गुप्त माहितीच्या आधारे कोळी तुळजापूर शिवारातील दोन गोदामांवर धाड टाकून प्रशासनाने सुमारे ६५० पोती रेशनचा तांदूळ जप्त केला आहे, ज्याची अंदाजित किंमत ७ लाख रुपये आहे. या प्रकरणी चार जणांविरुद्ध जीवनावश्यक वस्तू अधिनियम १९५५ अंतर्गत गुन्हा दाखल करण्यात आला असून, दोन्ही गोदामांना सील करण्यात आले आहे.
मिळालेल्या माहितीनुसार, कारंजा येथील अमिर गुंगीवाले यांच्या मालकीच्या गोदामांमध्ये हा रेशनचा तांदूळ साठवला जात होता. गोदाम क्रमांक १ मध्ये ३५० ते ४०० पोती तर गोदाम क्रमांक २ मध्ये २२० ते २५० पोती तांदूळ आढळून आला. हा प्रचंड साठा गोरगरिबांना मिळणाऱ्या स्वस्त धान्य योजनेतील असल्याचे उघड झाले आहे.
या प्रकरणाची सखोल चौकशी सुरू असून, प्रशासनाकडून गोदामांचा नेमका वापर कशासाठी केला जात होता, धान्याचा स्रोत काय होता आणि तो कोणत्या मार्गाने कुठे तस्करीसाठी वापरला जाणार होता, याची उत्तरे शोधली जात आहेत. या संदर्भात फौजदारी गुन्हा दाखल करण्यात आला आहे.
सातारा जिल्ह्यात धक्कादायक प्रकार; सहावीच्या विद्यार्थिनींकडून दहावीच्या उत्तरपत्रिका तपासल्याचा आरोप
सातारा : दहावी आणि बारावीच्या पेपरफुटीच्या बातम्या अधूनमधून समोर येत असतात. मात्र आता सातारा जिल्ह्यातून एक अत्यंत धक्कादायक घटना समोर...
Read moreDetails
