रायगड – किल्ले रायगडावर काल दि 6 जून रोजी स्वराज्याचे संस्थापक छत्रपती शिवाजी महाराज यांचा आज 352 वा शिवराज्याभिषेक मोठ्या उत्साहात पार पडला. या शिवराज्याभिषेक सोहळ्यासाठी रायगडावर राज्यातील विविध भागातून 3 लाखाकहून अधिक शिवभक्तांनी हजेरी लावली होती. गेल्या अनेत वर्षांपासून दुर्गराज किल्ले रायगडवर या सोहळ्याचे आयोजन कोल्हापूरचे छत्रपती संभाजी राजे आणि त्यांच्या सरकाऱ्यांकडून करण्यात येते. काल शुक्रवारी दुर्गराज किल्ले रायगडवर पारंपारिक वेशभूषेत शिवभक्त मोठ्या संख्येने दाखल झाले होते.
छत्रपती शिवाजी महाराजांचा 352 राज्याभिषेक सोहळा राज्यात विविध ठिकाणी वेगवेगळ्या उपक्रमांनी साजरा केला जात आहे. किल्ले रायगडावर देखील याची जय्यत तयारी करण्यात आली होती. या सोहळ्यासाठी राज्यातील विविध भागातून छत्रपती शिवाजी महाराज यांना अभिवादन करण्यासाठी शिवभक्त जमा झाले होते. यावेळी रायगडार विविध कार्यक्रम पार पडले. तसेच या सोहळ्यासाठी राज्यातील कानाकोपऱ्यातून दोन ते तीन लाख शिवभक्त रायगडवरती दाखल झाले होते. शिवकालीन पारंपारिक वेशभूषेत, लेझीम, ढोल-ताशाच्या गजरात इथे मिरवणूक आणि पालखीची मिरवणूक काढण्यात आली. यावेळी रायगड पोलिसांनी चोख बंदोबस्त ठेवला होता.
