अहमदनगर : वंचित बहुजन युवा आघाडीच्या वतीने आयोजित करण्यात आलेला महिला मेळावा व पक्षप्रवेश सोहळा राहाता तालुक्यात उत्साहपूर्ण वातावरणात पार पडला. तालुक्यातील विविध गावांमधून महिला भगिनींनी मोठ्या संख्येने उपस्थित राहून कार्यक्रमाला भव्य स्वरूप दिले.
या मेळाव्यात महिलांशी विविध सामाजिक, राजकीय आणि स्थानिक प्रश्नांवर सखोल संवाद साधण्यात आला. महिलांच्या सहभागामुळे कार्यक्रमाला विशेष उर्जा मिळाली असून, त्यांच्या समस्यांवर चर्चा करताना संघटनात्मक बळकटीचा संदेश देण्यात आला. (Vanchit bahujan aghadi)
वंचित बहुजन आघाडीचे राष्ट्रीय अध्यक्ष अ‍ॅड. बाळासाहेब आंबेडकर यांच्या नेतृत्वावर विश्वास ठेवत अनेक महिलांनी यावेळी पक्षाचे कृतिशील सदस्यत्व स्वीकारले. या पक्षप्रवेशामुळे तालुक्यात पक्षाची ताकद वाढणार असल्याचे मत व्यक्त करण्यात आले. (Vanchit bahujan aghadi)
कार्यक्रमाच्या यशस्वी आयोजनाबद्दल युवा आघाडीचे जिल्हाध्यक्ष प्रवीण आल्हाट, महासचिव सुनील वाघमारे, सामाजिक कार्यकर्ते सचिन निकम तसेच सर्व कार्यकर्त्यांचे सर्व स्तरातून कौतुक करण्यात येत आहे. महिला सक्षमीकरणाच्या दिशेने हा मेळावा एक महत्त्वपूर्ण टप्पा ठरल्याची भावना उपस्थितांकडून व्यक्त करण्यात आली.
