अकोला : वंचित बहुजन आघाडी नेहमीच वंचित, उपेक्षित आणि विविध समाजघटकांना राजकीय प्रतिनिधित्व देण्याचा प्रयत्न करत आली आहे. सामाजिक समतोल राखत राजकारणात व्यापक सहभाग वाढवण्याच्या धोरणातून पक्षाने अनेक वेळा सोशल इंजिनिअरिंगची प्रभावी उदाहरणे घडवली आहेत. अकोला पॅटर्न म्हणून ओळखले जाणारे हे सोशल इंजिनिअरिंग राज्यभर चर्चेत राहिले आहे.
याच धोरणाचा भाग म्हणून वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांच्या मार्गदर्शनाखाली अकोला महानगरपालिकेतील स्वीकृत सदस्यपदासाठी माहेश्वरी समाजाचे सुनिल इन्नानी यांना संधी देण्यात आली. त्यानुसार सुनिल इन्नानी यांनी आज अकोला महानगरपालिकेत स्वीकृत सदस्यपदासाठी आपला अर्ज दाखल केला. (Akola news)
अर्ज दाखल करताना वंचित बहुजन आघाडीचे जिल्हाध्यक्ष प्रमोद दैंडवे, माजी जिल्हा परिषद गटनेते ज्ञानेश्वर सुलताने, महानगर अध्यक्ष तथा मनपा स्थायी समिती गटनेते सदस्य निलेश देव, नगरसेवक उज्वलाताई पातोंड, जयश्री बहाद्दुरकर, शेख शमशु शेख साबीर, पराग गवई, विकास सदांशिव, प्रविण पातोडे, चेतन गावंडे, योगेश चौधरी, शुभम दारोकार, जगदिश मुंदडा, उज्वल कुटाफळे, तुषार आसरे आदी मान्यवर उपस्थित होते. (Akola news)
विविध समाजघटकांना प्रतिनिधित्व देण्याच्या वंचित बहुजन आघाडीच्या भूमिकेमुळे सामाजिक समावेशकतेचा संदेश पुन्हा एकदा अधोरेखित झाल्याची चर्चा राजकीय वर्तुळात होत आहे.
