मुंबई : वंचित बहुजन आघाडीच्या प्रदेश कार्यकारिणीची निवडणूक लोकशाही पद्धतीने बॅलेट पेपरद्वारे पार पडली. पक्षाच्या कार्यकर्ते व सदस्यांनी मतदानातून नवीन प्रदेशाध्यक्ष आणि प्रदेश कार्यकारिणीची निवड केली.
या निवडणुकीत राजेंद्र पातोडे यांची प्रदेशाध्यक्षपदी निवड झाली. तसेच प्रदेश कार्यकारिणीवर सुजात आंबेडकर, अरुण जाधव, इंजि. प्रशांत इंगोले, जितरत्न पटाईत, डॉ. चित्रा कुऱ्हे, दिपक डोके, नागोराव पांचाळ, सर्वजित बनसोडे, कृष्णा देशमुख, सारंग थोरात, ज्ञानेश्वर कवठेकर आणि उत्तम वनशिव यांची सदस्य म्हणून निवड झाली.
लोकशाही प्रक्रियेला प्राधान्य देत बॅलेट पेपरद्वारे झालेल्या या निवडणुकीत कार्यकर्ते आणि सदस्यांनी उत्स्फूर्त सहभाग नोंदवला. नव्याने निवडून आलेल्या प्रदेशाध्यक्ष आणि प्रदेश कार्यकारिणीवर राज्यातील संघटन अधिक बळकट करणे, पक्षाचा जनाधार वाढवणे आणि बहुजन समाजाच्या प्रश्नांवर प्रभावीपणे काम करण्याची जबाबदारी असेल.
वंचित बहुजन आघाडीच्या नव्याने निवडून आलेल्या प्रदेशाध्यक्ष राजेंद्र पातोडे तसेच सर्व प्रदेश कार्यकारिणी सदस्यांचे विविध स्तरांतून अभिनंदन करण्यात येत असून, त्यांच्या पुढील वाटचालीसाठी शुभेच्छांचा वर्षाव होत आहे.
