अकोला : पारस येथे तीन दुःखद घटनांमुळे शोककळा पसरली आहे. पारस येथील भारिपचे पहिले बाळापूर पंचायत समितीचे सभापती अ. हमीद हाजी शेख इस्माईल यांचे अल्पशा आजाराने निधन झाले. तसेच सुनीता ताई सुशीर (पुंडे) यांचा सर्पदंशाने, तर सतीश गव्हाळे यांचा अपघाती निधन झाले.
या तिन्ही दुःखद घटनांच्या पार्श्वभूमीवर वंचित बहुजन आघाडीच्या राष्ट्रीय नेत्या प्रा. अंजलीताई आंबेडकर यांनी संबंधित कुटुंबीयांची सांत्वनपर भेट घेतली. कुटुंबीयांच्या दुःखात सहभागी होत त्यांना धीर दिला.
यावेळी ज्ञानेश्वर सुलताने, गटनेते, जिल्हा परिषद अकोला, तसेच आम्रपाली अविनाश खंडारे, जिल्हाध्यक्षा, वंचित बहुजन महिला आघाडी, अकोला यांच्यासह पारस येथील वंचित बहुजन आघाडीचे कार्यकर्ते उपस्थित होते.
