कंधारमध्ये सुजात आंबेडकरांच्या संवाद सभेला उदंड प्रतिसाद
नांदेड : सध्या महाराष्ट्रात स्थानिक स्वराज्य संस्थांच्या निवडणुकांची तयारी जोरात सुरू असून, कंधार नगरपरिषद निवडणुकीच्या प्रचारासाठी वंचित बहुजन आघाडीचे (VBA) युवा नेते सुजात आंबेडकर यांनी शहरात ‘मतदार संवाद सभा’ घेतली. या सभेला नागरिकांनी उदंड प्रतिसाद दिला.
सुजात आंबेडकर यांनी आपल्या भाषणात स्थानिकांचे प्रश्न सोडवण्यासाठी आणि वंचितांना सत्तेत बसवण्यासाठी लढणाऱ्या वंचित बहुजन आघाडीच्या उमेदवारांना मतदान करण्याचे जोरदार आवाहन केले.
संवाद सभेदरम्यान बोलताना त्यांनी स्पष्ट केले की, स्थानिक समस्या आणि प्रश्न सोडवण्यासाठी वंचित बहुजन आघाडी कटिबद्ध आहे. वंचितांना त्यांचे हक्क मिळवून देण्यासाठी आणि त्यांना सत्तेच्या माध्यमातून न्याय देण्यासाठी काम करणाऱ्या वंचित बहुजन आघाडीच्या उमेदवारांना मोठ्या संख्येने विजयी करण्याचे आवाहन केले.
या ‘मतदार संवाद सभेला’ नागरिकांनी उत्स्फूर्त प्रतिसाद देत मोठ्या संख्येने गर्दी केली होती.
यावेळी वंचित बहुजन आघाडीचे अनेक प्रमुख पदाधिकारी उपस्थित होते. यात राज्य सदस्य अविनाश भोसीकर, नांदेड जिल्हाध्यक्ष शिवा नरंगले, प्रशांत इंगोले, श्याम कांबळे, आकाश जोंधळे, राहुल सोनसळे यांच्यासह वंचित बहुजन आघाडीचे पदाधिकारी आणि कार्यकर्ते मोठ्या संख्येने उपस्थित होते.
