पुणे – वंचित बहुजन आघाडीच्या प्रभाग क्रमांक १४ च्या वतीने पथारी व्यावसायिकांवरील अन्यायाच्या विरोधात आंदोलन करण्यात आले. बांधकाम व्यावसायिक अतुल चोरडिया व सागर चोरडिया यांनी त्यांच्या मुलीच्या लग्नासाठी पथारी व्यावसायिकांचे व्यवसाय रातोरात बंद केल्याचा आरोप करण्यात आला.
तसेच, कामगार व नागरिकांसाठी असलेली मुतारी काढून टाकून त्या ठिकाणी अनधिकृतपणे गार्डन तयार करण्यात आल्याचा मुद्दाही आंदोलनकर्त्यांनी उपस्थित केला. या प्रकाराच्या निषेधार्थ ढोले पाटील क्षेत्रीय कार्यालयावर स्वप्निल वाघमारे यांच्या नेतृत्वाखाली ‘मूत्र विसर्जन आंदोलन’ करण्यात आले.
Also Read : सरकारचा ‘कॅपिटल्स एक्सपेंडीचर’ आणि खाजगी क्षेत्राची ‘ट्रेझरी मॅनेजमेंट’: विषमतेचे नवे मॉडेल
आंदोलनात वंचित बहुजन आघाडीचे युवा अध्यक्ष सागर आल्हाट, युवा उपाध्यक्ष अजित वाघमारे, युवा सचिव शिवाजी ढावरे, माथाडी अध्यक्ष विशाल कसबे, माथाडी सचिव रितेश गायकवाड, चंद्रकांत कांबळे, प्रभाग अध्यक्ष संदेश कांबळे, आकाश कासले, जेष्ठ नेते वसंत साळवे, माणिक काकडे, अभिजित वाघचौरे यांच्यासह मोठ्या संख्येने पदाधिकारी व कार्यकर्ते उपस्थित होते.
Also Read : निवडणूक प्रक्रियेतील संभाव्य फेरफारांबाबत गंभीर इशारा; विरोधी पक्षांनी सतर्क राहावे – प्रकाश आंबेडकर
यावेळी प्रशासनाकडून पथारी व्यावसायिकांचे त्याच ठिकाणी एका आठवड्यात पुनर्वसन करण्याचे तसेच संबंधित बांधकाम व्यावसायिकांवर गुन्हा दाखल करण्याचे आश्वासन देण्यात आले.
