वंचित बहुजन आघाडीचा या प्रकाराला तीव्र विरोध
पिंपरी चिंचवड : पिंपरी चिंचवड येथील दत्त नगरमध्ये स्थानिकांबरोबर चर्चा न करता जबरदस्तीने काही कुटुंबांचे एसआरए फॉर्म भरून सर्वे करण्यात आले. यासाठी काही गुंडांना हाताशी धरून पोलीस प्रशासनाला सोबत घेऊन एसआरएचे सर्वे करण्यात आले.
याप्रसंगी सर्वे न होऊ देण्यासाठी वंचित बहुजन आघाडी पिंपरी चिंचवड शहर महिला आघाडी अध्यक्ष शारदाताई बनसोडे तसेच वंचित बहुजन आघाडी महाराष्ट्र उपाध्यक्ष सर्वजित बनसोडे यांच्यासह कार्यकर्त्यांनी विरोध केला.
एसआरएला विरोध केल्यामुळे एसआरएचे अधिकारी व बिल्डर यांनी पोलिस प्रशासनास पुढे करून वंचित बहुजन आघाडीच्या महिला अध्यक्ष व स्थानिक कार्यकर्त्यांना पकडून नेले आहे. या जुलूमशाही विरोधात ताकदीने उभे राहून आंदोलन करण्याचा निर्धार उपस्थित कार्यकर्त्यांनी केला आहे.
