शिर्डी – वंचित बहुजन युवा आघाडीच्या शिर्डी अहमदनगर येथे कार्यकर्ता प्रशिक्षण शिबिर घेण्यात आले. यादरम्यान राष्ट्रीय अध्यक्ष प्रकाश तथा बाळासाहेब आंबेडकर यांचे हस्ते प्रदेशाध्यक्ष मा.रेखाताई ठाकूर, अंजलीताई आंबेडकर आणि युवा आघाडीचे प्रदेशाध्यक्ष मा. निलेशजी विश्वकर्मा यांचे प्रमुख उपस्थिती मध्ये अहमदनगर दक्षिण वंचित बहुजन आघाडीवतीने मा.प्रतिक बारसे जिल्हाध्यक्ष यांचे नेतृत्वाखाली रुग्णवाहिका लोकार्पण करण्यात आले.
रुग्णवाहिका चालक अक्षय ससाणे यांना ॲड.बाळासाहेब आंबेडकर यांचे हस्ते चावी देऊन भावी वाटचालीस शुभेच्छा देण्यात आले. कोरोना काळात रुग्णांची होणारी गैरसोय पुढील काळात पुन्हा उद्भवू नये याकरिता अहमदनगर वंचित बहुजन आघाडीच्या वतीने सर्व प्रकारची खबरदारी शक्य होईल तितकी घेण्यात येणार आणि रुग्णसेवा ही सर्व सामान्य जनतेसाठी उपलब्ध करून देण्याचा मानस असल्याचे मत व्यक्त केले.
यावेळी जिल्हा महासचिव योगेश साठे,गौतम आढाव,प्रवीण ओरे,अतुल आखाडे,देविदास भालेराव,युवा जिल्हाध्यक्ष संतोष जठार,प्रसाद भिवसने,साहिल ससाणे,रवी जाधव,प्रवीण जाधव आदीसह रुग्णवाहिका उद्घाटन प्रसंगी कार्यकर्ते मोठ्या संख्येने उपस्थित होते.
