पुणे : कोरेगाव पार्क येथील लेन क्रमांक ३ मधील सार्वजनिक मुतारी अज्ञात व्यक्तींनी चोरून नेल्याची घटना समोर आली आहे. या प्रकरणामुळे स्थानिक नागरिकांमध्ये तीव्र संताप व्यक्त होत असून, संबंधितांवर तात्काळ कारवाई करण्याची मागणी करण्यात येत आहे.
मिळालेल्या माहितीनुसार, नागरिकांच्या सुविधेसाठी उभारण्यात आलेली ही सार्वजनिक स्वच्छतागृह हे परिसरातील रहिवासी, कष्टकरी तसेच प्रवाशांसाठी अत्यंत उपयुक्त होती. मात्र, ही सुविधा अचानकपणे गायब झाल्याने नागरिकांना मोठ्या अडचणींचा सामना करावा लागत आहे. (Koregaon Park)
Also Read : महाराष्ट्रात २ कोटी ९० लाख मतदारांची नावे कापली जाणार? प्रकाश आंबेडकरांचा निवडणूक आयोगाच्या भोंगळ कारभारावर निशाणा
ही केवळ एका सुविधेची चोरी नसून, सार्वजनिक मालमत्तेचे नुकसान आणि प्रशासनाच्या कार्यक्षमतेवर प्रश्नचिन्ह निर्माण करणारी घटना असल्याचे नागरिकांचे म्हणणे आहे. विशेषतः महिला आणि कष्टकरी वर्गाला याचा मोठा फटका बसत आहे. कोरेगाव पार्कसारख्या संवेदनशील आणि महत्त्वाच्या भागात अशी घटना घडणे सुरक्षेच्या दृष्टीनेही चिंताजनक असल्याचे मत व्यक्त केले जात आहे. (Koregaon Park)
Also Read : Rahuri Election 2026 ; वंचित बहुजन आघाडीकडून अनिल जाधव यांना उमेदवारी जाहीर!
दरम्यान, संबंधित प्रकरणाची सखोल चौकशी करून दोषींवर तात्काळ गुन्हे दाखल करावेत तसेच संबंधित सार्वजनिक स्वच्छतागृह पुन्हा त्या ठिकाणी बसवण्याचे आदेश प्रशासनाने द्यावेत, अशी मागणी करण्यात आली आहे. याबाबत प्रशासनाने त्वरित दखल न घेतल्यास वंचित बहुजन आघाडीच्या वतीने तीव्र आंदोलन छेडण्याचा इशाराही देण्यात आला आहे.
