पुणे : खडकवासला विधानसभा मतदारसंघातील जे.पी. नगर परिसरात अनेक दिवसांपासून पथदिवे बंद असल्याने नागरिकांना अंधाराचा सामना करावा लागत होता. यामुळे परिसरातील रहिवाशांमध्ये असुरक्षिततेची भावना निर्माण झाली होती. या समस्येची दखल घेत वंचित बहुजन आघाडीचे खडकवासला विधानसभा अध्यक्ष मधुकर दुपारगुडे यांनी संबंधित विभागाकडे सातत्याने पाठपुरावा केला.
दुपारगुडे यांच्या प्रयत्नांना अखेर यश आले असून जे.पी. नगर परिसरातील बंद पडलेले पथदिवे दुरुस्त करण्यात आले आहेत. त्यामुळे संपूर्ण परिसर पुन्हा प्रकाशमय झाला असून नागरिकांनी समाधान व्यक्त केले आहे. तसेच रात्रीच्या वेळी नागरिकांच्या सुरक्षिततेत वाढ होण्यास मदत होणार असल्याचे स्थानिकांनी सांगितले.
याबाबत वंचित बहुजन आघाडीच्या पदाधिकाऱ्यांनी सांगितले की, जनतेच्या दैनंदिन समस्यांबाबत पक्ष सातत्याने प्रशासनाकडे पाठपुरावा करत असून नागरिकांच्या प्रश्नांचे निराकरण करण्यासाठी कटिबद्ध आहे. यावेळी युवा अध्यक्ष राजेंद्र कांबळे यांनी, “जनतेची समस्या, आमची जबाबदारी” या भूमिकेतून वंचित बहुजन आघाडी नागरिकांच्या प्रश्नांसाठी सातत्याने संघर्ष करत राहील, असे सांगितले.
