इस्लामपूर : इस्लामपूर शहरातील डॉ. आंबेडकरनगर येथील रहिवासी तसेच मुंबई येथे कार्यरत असलेले पोलिस अधिकारी चंद्रकांत बाबासाहेब कांबळे यांच्या पत्नी स्वाती चंद्रकांत कांबळे यांना लाचलुचपत प्रतिबंधक विभागात (Anti-Corruption Bureau) उपअधीक्षक (DySP) पदावर पदोन्नती मिळाली आहे. त्यांच्या या यशामुळे इस्लामपूर शहराच्या लौकिकात भर पडली असून परिसरात आनंदाचे वातावरण निर्माण झाले आहे.
स्वाती कांबळे यांनी अत्यंत परिश्रम, चिकाटी आणि प्रामाणिक सेवेमुळे ही पदोन्नती मिळवली आहे. त्यांच्या या यशामागे पती चंद्रकांत कांबळे यांचेही मोठे सहकार्य असल्याचे सांगितले जाते. दोघांनीही कष्ट आणि जिद्दीच्या जोरावर ही उल्लेखनीय कामगिरी साध्य केली आहे. (IslampurNews)
चंद्रकांत कांबळे हे डॉ. आंबेडकरनगर परिसरातील रहिवासी असून ते उर्दू हायस्कूलचे सेवानिवृत्त कर्मचारी बाबासाहेब आत्मा कांबळे यांचे चिरंजीव आहेत. त्यांच्या कुटुंबाचा सामाजिक आणि शैक्षणिक क्षेत्रात चांगला लौकिक आहे. स्वाती कांबळे यांच्या या पदोन्नतीबद्दल डॉ. आंबेडकरनगर परिसरातील नागरिक, मित्रपरिवार आणि विविध सामाजिक संघटनांकडून अभिनंदनाचा वर्षाव होत असून सर्वत्र आनंद व्यक्त केला जात आहे. (IslampurNews)
