Prabuddh Bharat
  • ई-पेपर
  • संपादकीय
  • बातमी
  • विशेष
    • चळवळीचा दस्तऐवज
  • सामाजिक
  • राजकीय
  • वारसा सावित्रीचा
  • सांस्कृतिक
  • वर्गणी
  • संपर्क
No Result
View All Result
No Result
View All Result
Prabuddh Bharat
No Result
View All Result
Home राजकीय

प्रस्थापित, पत्रकार, पुरोगामी आणि त्यांच्या गुलामांचा दुटप्पीपणा !

Sumit Wasnik by Sumit Wasnik
July 9, 2022
in राजकीय
0
0
SHARES
2.2k
VIEWS
Share on FacebookShare on Twitter
       

महाराष्ट्राच्या सत्ताकारणात प्रचंड मोठी उलथापालथ होऊन एकनाथ शिंदे यांचे आणि भाजप युतीचे सरकार आले आहे. शिवसेनेच्या 40 आमदारांनी पक्षा विरोधात बंड करून मविआचे सरकार पाडले ज्यामुळे मुख्यमंत्री असलेल्या उद्धव ठाकरे यांना आपल्या पदावरुन पाय उतार व्हावे लागले. शिवसेनेतील बहुतेक सर्वच प्रमुख नेते या बंडात सामील आहेत, सेनेच्या 55 पैकी 15 आमदाराच ठाकरेंसोबत उरल्यामुळे शिवसेनेच्या भवितव्यावर प्रश्नचिन्ह उभे झाले आहे.

शिवसेनेत उफाळून आलेल्या या बंडाळी नंतरही शिवसेना पुन्हा उभी राहील आणि शिवसैनिक उद्धव ठाकरेंसोबतच राहतील असे प्रस्थापित पक्ष असलेल्या काँग्रेसचे आणि राष्ट्रवादी काँग्रेसचे, पत्रकारांचे, स्वतःला पुरोगामी म्हणवून घेणाऱ्या सामाजिक कार्यकर्त्यांचे आणि आंबेडकरवादाचे पांघरूण घातलेल्या प्रस्थापितांच्या गुलामांचे मत आहे. ही सगळी मंडळी शिवसेना उद्धव ठाकरेंच्या नेतृत्वात पुन्हा उभी राहिल असे ठणकावून समाज माध्यमांवर सांगत आहेत. पण शिवसेनेप्रति सहानुभूती दाखवणारी ही लोक अश्याच प्रकारची परिस्थिती जेंव्हा वंचित समाजातील पक्षांची होते तेंव्हा वंचितांच्या पक्षांची विशेषतः आंबेडकरी पक्षांची मोठ्या प्रमाणावर बदनामी करण्यात अग्रेसर असतात. सेने सारख्या धार्मिक राजकारण करणाऱ्या व सवर्ण नेतृत्व असलेल्या पक्षाला सहानुभूती आणि वंचितांना त्यांचे हक्क मिळवून देण्यासाठी लढणाऱ्या भारिप-बहुजन महासंघासारख्या पक्षांची बदनामी हा इथल्या प्रस्थापित, पत्रकार, पुरोगामी आणि त्यांच्या गुलामांचा दुटप्पीपणा होय.
वंचित बहुजन आघाडीचे अध्यक्ष ऍड.बाळासाहेब आंबेडकर यांनि भारिप-बहुजन महासंघाच्या माध्यमातून १९९३ भीमराव केराम यांना आमदार निवडून आणलं होतं. मखराम पवार यांना १९९० मध्ये विधानसभेत आमदार केलं, १९९५ मध्ये विधानपरिषदेवर पाठवून मंत्रीपदी बसविल. त्यानंतर १९९९ साली दशरथ भांडे, रामदास बोडखे आणि वसंत सूर्यवंशी यांना विधानसभेला निवडून आणून आमदार केलं, भांडेंना मंत्री केलं. ही सर्व मंडळी सत्तेच्या आणि पैश्याच्या मोहापायी भारिप-बहुजन महासंघाशी बंडखोरी करून निघून गेली. जेंव्हा हि लोक बंडखोरी करत बाहेर निघाली त्या प्रत्येकवेळी ऍड.बाळासाहेब आंबेडकर यांच्या नेतृत्वावर प्रश्नचिन्ह उभे करण्यात आले, भारिप-बहुजन महासंघाला आता काही भवितव्य नाही अश्या वल्गना करण्यात आल्या. एवढेच नाहीतर जेंव्हा जेंव्हा ऍड.बाळासाहेब आंबेडकर यांच्या नेतृत्वात आंबेडकरी चळवळीने मतपेटीतून आपली ताकद दाखवली तेंव्हा तेंव्हा बाळासाहेबांना भाजपची बी टीम म्हणून बदनाम करण्याचा प्रयत्न करण्यात आला. याचे उदाहरण पाहायचे झाल्यास २०१९ मध्ये झालेल्या लोकसभा (४० लाख) आणि विधानसभा (२५ लाख) निवडणुकीत वंचित बहुजन आघाडीला जनतेने भरघोस मतदान केले होते, जनतेचे हे प्रचंड समर्थन तोडण्यासाठी ऍड. आंबेडकरांना आणि वंचितला भाजपची बी टीम म्हणण्यात आले. ऍड.आंबेडकरांची बदनामी करणारा हा प्रस्थापित, पत्रकार, पुरोगामी आणि त्यांचा गुलामांचा ‘कुटील आणि कपटी चमू’ आज सेनेत बंडखोरी झाल्यावर उद्धव ठाकरेंबद्दल सहानभूतीची लाट तयार करण्याचे प्रयत्न करतो आहे.
ऍड.बाळासाहेब आंबेडकर यांच्या बदनामीचे हे सत्र न थांबता सुरु आहे. पण त्याने चळवळ थांबली नाही उलट जे सोडून गेलेत त्यांचेच हाल झालेले आपण पाहतो आहोत. भदे , सिरस्कार हे दोन माजी आमदार गेले, ते जिथे गेले तिथे आज त्यांना काहीच किंमत नाही. काही विधानपरिषदेच्या लोभापायी गेले आणि आज ते हास्यास पात्र ठरले आहेत. चळवळीत असलेल्या बहुतेक कार्यकर्त्यांना अश्या विखारी बदनामीमुळे काही फरक पडत नाही ते निरंतर संघटनेसोबत आहेत आणि संघटनेला मजबूत करत आहेत पण म्हणून आपण अफवांचे पीक उगवून वंचितांचे राजकारण संपवू पाहणाऱ्यांकडे दुर्लक्ष करून चालणार नाही.
इथल्या जातिव्यवस्थेने नेहमी वंचित आणि बहुजन संघटनांना आणि नेत्यांना संपविण्याचे प्रयत्न केले. कधी शत्रू बनून तर कधी मित्रत्वाचा मुखवटा चढवून बदनामीचे षडयंत्र रचण्यात आले. या व्यवस्थेत तळागळाशी असलेला जो वंचित समाज आहे त्याच्या वर येण्याच्या प्रत्येक प्रयत्नाला येनकेन प्रकारे दडपण्यासाठी हा ‘कुटील आणि कपटी चमू’ सदैव कार्यरत असतो. पण त्याचवेळी सवर्ण पक्ष आणि त्यांचे नेते अडचणीत येऊ नयेत किंवा अडचणीत आल्यास ते त्यातून बाहेर पडण्यासाठी मदत करण्यास हीच मंडळी अग्रेसर असतात, शिवसेनेत नुकत्याच झालेल्या पक्षफुटीवेळी हे स्पष्टपणे दिसते आहे. वंचित आणि बहुजन जनतेला या ‘कुटील आणि कपटी चमूचा’ हा दुटप्पीपणा ओळखावा लागेल आणि आपले पक्ष, संघटना, नेते टिकवून ठेवावे लागतील तेंव्हाच सत्तेची दारे त्यांच्यासाठी उघडतील.

       
Tags: adv.prakashambedkarvbaऍड. बाळासाहेब आंबेडकरकोरोना. वंचित बहुजन आघाडीगुलामपत्रकारपुरोगामीप्रकाश आंबेडकरप्रस्थापितभारिप बहुजन महासंघमहाराष्ट्रशिवसेना
Previous Post

तरुणांनो चळवळ समजून घेतांना…..

Next Post

वंचित बहुजन युवा आघाडी नवनियुक्त कार्यकारिणीची बैठक विश्रामगृह अकोला येथे संपन्न.

Next Post
वंचित बहुजन युवा आघाडी नवनियुक्त कार्यकारिणीची बैठक विश्रामगृह अकोला येथे  संपन्न.

वंचित बहुजन युवा आघाडी नवनियुक्त कार्यकारिणीची बैठक विश्रामगृह अकोला येथे संपन्न.

कोल्हापूर जिल्ह्यात खळबळ! हुपरीत व्यावसायिकावर ईडीची धडक: १५ तास कसून चौकशी
बातमी

कोल्हापूर जिल्ह्यात खळबळ! हुपरीत व्यावसायिकावर ईडीची धडक: १५ तास कसून चौकशी

कोल्हापूर : कोल्हापूर येथील एका व्यावसायिकाच्या घरावर ईडीची धाक पडली. यामुळे परिसरात खळबळ उडाली आले. भरत लठ्ठे नाव असून ते ...

June 21, 2025
Crime news: धक्कादायक! मुलीवरून चिडवल्याने मित्राकडूनच मित्राची हत्या
बातमी

Crime News: धक्कादायक! मुलीवरून चिडवल्याने मित्राकडूनच मित्राची हत्या

नवी मुंबई : मस्करीची कुस्करी झाली. तुर्भे येथील धक्कादायक घटना घडली आहे. या घटनेने परिसरात खळबळ उडाली आली. ही घटना ...

June 21, 2025
IBPS, SBI परीक्षांमधील पारदर्शकतेच्या विद्यार्थ्यांच्या मागणीला पाठिंबा ; ॲड. प्रकाश आंबेडकर
बातमी

IBPS, SBI परीक्षांमधील पारदर्शकतेच्या विद्यार्थ्यांच्या मागणीला पाठिंबा – प्रकाश आंबेडकर

पुणे : पुणे : वंचित बहुजन आघाडीचे अध्यक्ष प्रकाश आंबेडकर यांनी बँकिंग क्षेत्रातील परीक्षा घेणाऱ्या संस्था, इन्स्टिट्यूट ऑफ बँकिंग पर्सनल ...

June 21, 2025
Dinkar Balu Patil : नवी मुंबई आंतरराष्ट्रीय विमानतळाला लोकनेते दि. बा. पाटील यांचे नाव द्या; प्रकाश आंबेडकर
बातमी

Dinkar Balu Patil : नवी मुंबई आंतरराष्ट्रीय विमानतळाला लोकनेते दि. बा. पाटील यांचे नाव द्या; प्रकाश आंबेडकर

नवी मुंबई : वंचित बहुजन आघाडीने पुन्हा एकदा नवी मुंबई आंतरराष्ट्रीय विमानतळाला महाराष्ट्राचे ओबीसी नेते, माजी खासदार आणि विधानसभेचे विरोधी ...

June 21, 2025
कामगारांच्या ना हरकत प्रमाणपत्रावर ग्रामसेवकांची टाळाटाळ – वंचित बहुजन महिला आघाडीचा कार्यालयावर मोर्चा!
बातमी

कामगारांच्या ना हरकत प्रमाणपत्रावर ग्रामसेवकांची टाळाटाळ – वंचित बहुजन महिला आघाडीचा कार्यालयावर मोर्चा!

चंद्रपूर : बांधकाम कामगारांना 90 दिवसांच्या नोंदणीवर नाहरकत प्रमाणपत्र मिळावे, यासाठी ग्रामसेवकांकडून होणाऱ्या टाळाटाळीविरोधात वंचित बहुजन महिला आघाडीच्यावतीने चंद्रपूर जिल्हा ...

June 20, 2025
Advertisement: Special Jayanti Edition Advertisement: Special Jayanti Edition
ADVERTISEMENT

Facebook Posts

Twitter Posts

Prabuddha Bharat

Prabuddha Bharat, 250 C, Shanivar Peth, Pune - 32 | 020- 24475889

  • प्रबुद्ध भारत विषयी
  • वर्गणी
  • देणगी
  • जाहिरात
  • संपर्क

Follow Us

No Result
View All Result
  • ई-पेपर
  • संपादकीय
  • बातमी
  • विशेष
    • चळवळीचा दस्तऐवज
  • सामाजिक
  • राजकीय
  • वारसा सावित्रीचा
  • सांस्कृतिक
  • वर्गणी
  • संपर्क