वंचित बहुजन युवा आघाडीचा स्तुत्य उपक्रम
मंगरुळपीर: मंगरुळपीर येथील महात्मा ज्योतिबा फुले चौकामध्ये शिवजयंती निमित्त वंचित बहुजन युवा आघाडीचे युवा नेते सौरभ सपकाळ यांच्या हस्ते खिचडी वाटप करण्यात आली.
वंचित बहुजन युवा आघाडीच्या वतीने विविध सामाजिक उपक्रम दरवर्षी राबवण्यात येत असतात, यावेळी सुद्धा खिचडी वाटप मोठया उत्साहात करण्यात आले.
यावेळी वंचित युवा आघाडी शहर अध्यक्ष सोनु पेनोरे, युवा ता.सचिव दिपरत्न खडसे, युवराज किरडे, निखिल इंगोले, आकाश जाधव, लक्ष्मण बनसोड, रोशन चुंबळे, विकी बोबडे, सुमेध इंगोले यांच्यासह युवा आघाडीचे पदाधिकारी व कार्यकर्ते मोठया संख्येने उपस्थित होते.
या कार्यक्रमाचे आयोजन वंचित बहुजन युवा आघाडी व सौरभ सपकाळ मित्र परिवार यांच्या संयुक्त विद्यमाने करण्यात आले होते.
