Prabuddh Bharat
  • मुख्य पान
  • बातमी
  • संपादकीय
  • विशेष
    • चळवळीचा दस्तऐवज
  • अर्थ विषयक
  • राजकीय
  • सामाजिक
  • वारसा सावित्रीचा
  • सांस्कृतिक
  • क्रीडा
  • विज्ञान – तंत्रज्ञान
  • वर्गणी
  • ई-पेपर
  • संपर्क
  • Home
No Result
View All Result
No Result
View All Result
Prabuddh Bharat
No Result
View All Result
Home बातमी

भाजप पदाधिकाऱ्यावर ॲट्रॉसिटी अंतर्गत गुन्हा दाखल; वंचित बहुजन आघाडीच्या प्रयत्नांना यश

mosami kewat by mosami kewat
July 20, 2025
in बातमी
0
भाजप पदाधिकाऱ्यावर ॲट्रॉसिटी अंतर्गत गुन्हा दाखल; वंचित बहुजन आघाडीच्या प्रयत्नांना यश

भाजप पदाधिकाऱ्यावर ॲट्रॉसिटी अंतर्गत गुन्हा दाखल; वंचित बहुजन आघाडीच्या प्रयत्नांना यश

       

अमरावती : तिवसा येथे एका भाजप पदाधिकाऱ्यावर विनयभंगासोबतच आता अनुसूचित जाती-जमाती अत्याचार प्रतिबंधक कायद्यांतर्गत (ॲट्रॉसिटी) गुन्हा दाखल करण्यात आला आहे. वंचित बहुजन आघाडीच्या आक्रमक भूमिकेनंतर आणि त्यांनी केलेल्या पाठपुराव्यानंतर ही कारवाई करण्यात आली असून, त्यांच्या प्रयत्नांना मोठे यश मिळाले आहे.

मिळालेल्या माहितीनुसार, १० जुलै २०२५ रोजी दुपारी ४ वाजताच्या सुमारास तिवसा पोलीस ठाण्यात भाजप पदाधिकारी मोहित अशोकराव मोटघरे यांच्या विरोधात एका युवतीचा विनयभंग केल्याप्रकरणी विविध कलमांखाली गुन्हा दाखल करण्यात आला होता. पीडित युवती अनुसूचित जाती प्रवर्गातील असल्याने, आरोपीवर ॲट्रॉसिटी कायद्यांतर्गतही गुन्हा दाखल होणे आवश्यक होते.

मात्र, स्थानिक आमदारांच्या राजकीय दबावामुळे पोलिसांनी सुरुवातीला विनयभंगाच्या गुन्ह्यामध्ये ॲट्रॉसिटी कायद्याचा समावेश केला नव्हता, असे निदर्शनास आले. हे प्रकरण वंचित बहुजन युवा आघाडीचे जिल्हा महासचिव सागर भवते यांच्या निदर्शनास आल्यानंतर, त्यांच्या नेतृत्वाखालील शिष्टमंडळाने तात्काळ तिवसा पोलीस निरीक्षक प्रदीप शिरस्कार यांची भेट घेतली. आरोपीवर अनुसूचित जाती-जमाती अन्याय अत्याचार प्रतिबंधक कायद्यानुसार गुन्हा दाखल करण्याची मागणी त्यांनी यावेळी लावून धरली.

पीडित युवतीच्या कुटुंबाने वंचित बहुजन आघाडीच्या पदाधिकाऱ्यांना सांगितले की, आरोपी भाजप पदाधिकारी असल्याच्या बळावर तो पीडितेला वारंवार त्रास देत होता. राजकीय सत्तेचा गैरवापर करून सामान्य जनता आणि शिक्षणानिमित्त घराबाहेर पडणाऱ्या युवतींना वेठीस धरणाऱ्या अशा लोकांना धडा शिकवणे अत्यंत गरजेचे आहे, जेणेकरून भविष्यात अशा घटनांची पुनरावृत्ती होणार नाही. त्यामुळे आरोपीला कठोर शिक्षा होणे आवश्यक असून, त्याच्यावर ॲट्रॉसिटी कायद्यांतर्गत गुन्हा दाखल करणे महत्त्वाचे आहे, अशी भूमिका सागर भवते यांनी मांडली.

सागर भवते आणि त्यांच्या सहकाऱ्यांनी घेतलेल्या आक्रमक भूमिकेमुळे, तिवसा पोलीस निरीक्षक प्रदीप शिरस्कार यांनी तात्काळ नमते घेत आरोपीवर अनुसूचित जाती-जमाती अन्याय अत्याचार प्रतिबंधक कायद्यांतर्गत गुन्ह्याचा समावेश करण्याचे आदेश दिले. तसेच, कोणत्याही राजकीय दबावाला बळी न पडता कायदेशीर प्रक्रिया पूर्ण केली जाईल, असे आश्वासन त्यांनी वंचित बहुजन आघाडीच्या शिष्टमंडळाला दिले.
यावेळी वंचित बहुजन युवा आघाडीचे जिल्हा महासचिव सागर भवते यांच्यासह जिल्हा सदस्य प्रमोद मुंद्रे, विनोद खाकसे, अनिल सोनोने, मुस्ताक शहा, सिद्धार्थ कटारने, सागर गोपाळे, राजकुमार आसोडे, नितीन थोरात यांच्यासह अनेक कार्यकर्ते उपस्थित होते. वंचित बहुजन आघाडीच्या या प्रयत्नांमुळे पीडित युवतीला न्याय मिळण्याच्या दिशेने एक महत्त्वाचे पाऊल टाकले गेले आहे.


       
Tags: Atrocity ActbjpTivsavbaforindia
Previous Post

अॅड प्रकाश आंबेडकरांच्या कर्तृत्वाला संशोधनाची झालर….!!

Next Post

‘सन्यस्त खडग’ नाटक बंद करा; मुंबईत वंचित बहुजन आघाडीचे आंदोलन!

Next Post
'सन्यस्त खडग' नाटक बंद करा; मुंबईत वंचित बहुजन आघाडीचे आंदोलन!

'सन्यस्त खडग' नाटक बंद करा; मुंबईत वंचित बहुजन आघाडीचे आंदोलन!

Advertisement: Special Jayanti Edition Advertisement: Special Jayanti Edition
ADVERTISEMENT
जामखेड येथे राज्यस्तरीय भटके विमुक्त परिषद, सुजात आंबेडकर यांचे मार्गदर्शन
बातमी

जामखेड येथे राज्यस्तरीय भटके विमुक्त परिषद, सुजात आंबेडकर यांचे मार्गदर्शन

by mosami kewat
August 31, 2025
0

‎‎जामखेड : भटक्या विमुक्त समाजाच्या राजकीय, सामाजिक हक्कांसाठी आणि त्यांच्या विकासासाठी जागरुकता निर्माण करण्याच्या उद्देशाने स्वातंत्र्यदिनानिमित्त जामखेड येथे राज्यस्तरीय भटके...

Read moreDetails
हिंगोलीतील धरणांतून पाण्याचा विसर्ग, तर मांजरा, गेरू माटरगाव धरणं तुडुंब

हिंगोलीतील धरणांतून पाण्याचा विसर्ग, तर मांजरा, गेरू माटरगाव धरणं तुडुंब

August 31, 2025
दिल्ली विमानतळावर एअर इंडियाच्या विमानाला आग लागल्याने खळबळ उडाली

दिल्ली विमानतळावर एअर इंडियाच्या विमानाला आग लागल्याने खळबळ उडाली

August 31, 2025
मराठी अभिनेत्री प्रिया मराठेचे निधन, कर्करोगाशी झुंज अपयशी; वयाच्या ३८ व्या वर्षी घेतला अखेरचा श्वास

मराठी अभिनेत्री प्रिया मराठेचे निधन, कर्करोगाशी झुंज अपयशी; वयाच्या ३८ व्या वर्षी घेतला अखेरचा श्वास

August 31, 2025
भटके-विमुक्त समाज : स्वातंत्र्यानंतरही ओळखीच्या शोधात

भटके-विमुक्त समाज : स्वातंत्र्यानंतरही ओळखीच्या शोधात

August 31, 2025

Facebook Posts

Twitter Posts

Prabuddha Bharat

Prabuddha Bharat, 250 C, Shanivar Peth, Pune - 32 | 020- 24475889

  • प्रबुद्ध भारत विषयी
  • वर्गणी
  • देणगी
  • जाहिरात
  • संपर्क

Follow Us

No Result
View All Result
  • मुख्य पान
  • बातमी
  • संपादकीय
  • विशेष
    • चळवळीचा दस्तऐवज
  • अर्थ विषयक
  • राजकीय
  • सामाजिक
  • वारसा सावित्रीचा
  • सांस्कृतिक
  • क्रीडा
  • विज्ञान – तंत्रज्ञान
  • वर्गणी
  • ई-पेपर
  • संपर्क
  • Home