पुणे : वंचित बहुजन युवा आघाडी महाराष्ट्र राज्याचे महासचिव राजेंद्र पातोडे यांच्या नेतृत्वात आज बार्टीच्या विविध प्रश्नांवर आंदोलन करण्यात आले. १ जानेवारी रोजी शौर्य दिना करिता भीमा कोरेगाव विजयस्तंभ परिसरातील ६० लाख रुपये खर्च करून फक्त ५० हजार लोकांना जेवण पुरविण्याचा भोजन ठेका रद्द करण्यात आला.
तसेच पोलीस भरती निवासी प्रशिक्षणाला या करिता तीन महिने मुदतवाढ तात्काळ देण्यात आली . एम. फिल ते पीएच.डी करण्याकरिता २०२१ सालच्या ४९विद्यार्थ्यांना पीएच.डी फेलोशिप करिता पात्र करण्यात आले. २०२२ च्या विद्यार्थ्यांना सरसकट ७६१ विद्यार्थ्यांना फेलोशिप बार्टी प्रशासनाकडून मंजूर करून घेण्यात आल. आर्थिक बजेट करीता सकारात्मक प्रस्ताव देखील बार्टीच्या वतीने शासनास पाठविण्यात आला आहे.
बार्टी प्रशासनाला त्यांच्या कार्याची जाणीव करून देण्यात आली तसेच बार्टीचे नेमके उद्देश काय हे त्यांना समजून सांगण्यात आले बार्टीचे उद्देश लिहिलेला एक फलक वंचित बहुजन युवा आघाडीच्या वतीने बार्टी प्रशासनालाच भेट देण्यात आला.
बार्टी ही स्वायत्त शिक्षण संस्था असून संशोधक विद्यार्थी घडवण्याची अत्यंत महत्त्वाची जबाबदारी त्यांच्यावर आहे परंतु बार्टी मधील अधिकारी या सर्व प्रक्रियेमध्ये विद्यार्थ्यांची पिळवणूक करताना आमच्या निदर्शनास आले होते आणि म्हणून वंचित बहुजन युवा आघाडीच्या वतीने मोठ्या प्रमाणामध्ये आज कार्यकर्त्यांनी आंदोलनात्मक पवित्र घेऊन सगळे प्रश्न आज निकाली काढण्यात आले असल्याचेही सांगण्यात आले.
तसेच इथून पुढच्या काळात देखील ज्या ज्या वेळी विद्यार्थ्यांवर अन्याय होईल त्या त्यावेळी वंचित बहुजन युवा आघाडी त्यांच्या पाठीशी खंबीरपणे उभी राहील आणि हा लढा आता सुरू झालेला असून या लढ्यामध्ये अनेक टप्पे अजून बाकी आहेत. असे वंचित बहुजन युवा आघाडीने म्हटले आहे.
साहित्यरत्न अण्णाभाऊ साठे लघुपट महोत्सव समिती, डॉ. बाबासाहेब आंबेडकर संशोधन प्रशिक्षण संस्था यांच्या संयुक्त विद्यमाने साहित्यरत्न अण्णाभाऊ साठे ६ वा आंतरराष्ट्रीय लघुपट महोत्सव २०२३आयोजित करण्यात आलेला आहे. सदर कार्यक्रमास अभिनेत्री गार्गी कुलकर्णी या उद्घाटक म्हणून असणार आहेत त्यांना तब्बल ८ लाख रुपये मानधन या कार्यक्रमासाठी देण्यात येणार होतं वंचित बहुजन युवा आघाडीच्या वतीने ते मानधन तात्काळ थांबविण्यात यावं अशी मागणी करण्यात आली.
तसेच इथून पुढच्या काळामध्ये अनुसूचित जाती जमातीतील तरुणांना, तरुणींना, कलावंतांना वाव देण्याचे काम बार्टीच्या करण्यात येईल असे महासंचालक सुनिल वारे यांनी सांगितले.
तसेच चांगले कलावंत घडविण्याकरिता बार्टीच्या वतीने प्रशिक्षण देण्यात येणारे कार्यक्रम हाती घेण्याचा सुद्धा त्यांनी निर्धार केला.
यावेळी राज्य कार्यकारी सदस्य पुणे जिल्हा निरीक्षक ऋषिकेश नांगरेपाटील ,राज्य कार्यकारिणी सदस्य विशाल गवळी,राज्य कार्यकारिणी सदस्य ॲड.अफरोज मुल्ला , तसेच वंचित बहुजन आघाडी, वंचित बहुजन युवा आघाडी ,वंचित बहुजन महिला आघाडी, वंचित बहुजन माथाडी ट्रान्सपोर्ट कामगार जनरल युनियन, सम्यक विद्यार्थी आंदोलन पुणे शहर ,पुणे जिल्हा, पिंपरी चिंचवड सर्व अध्यक्ष तसेच पदाधिकारी, कार्यकर्ते मोठ्या संख्येने उपस्थित होते.
