ॲड. प्रकाश आंबेडकरांचे बाबासाहेबांना अभिवादन
मुंबई : आजची लढाई धर्माची नसून लोकशाही विरुद्ध हुकूमशाहीची आहे. हे सांस्कृतिक युद्ध नवीन नाही. आज प्रत्येक भारतीयाचे व्यक्तीस्वातंत्र्य, लोकशाही अधिकार आणि एकूण भविष्य धोक्यात आले आहे. या लढाईत लोकशाहीच्या बाजूने उतरणाऱ्या प्रत्येकासाठी बाबासाहेबच मार्गदाते असल्याचे वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांनी ट्विटरच्या माध्यमातून म्हटले आहे.
‘तुम्ही किती अंतर चालत गेलात, यापेक्षा तुम्ही कोणत्या दिशेने जात आहात हे अधिक महत्वाचे आहे,’ या डॉ. बाबासाहेब आंबेडकर यांच्या विधानाचा दाखला देत त्यांनी डॉ. बाबासाहेब आंबेडकर यांच्या जयंतीनिमित्त बाबासाहेब आंबेडकर यांना अभिवादन केले असून, सर्वांना आंबेडकर जयंतीच्या शुभेच्छा दिल्या आहेत.
