लातूर : लातूर जिल्ह्यात वंचित बहुजन आघाडीने आगामी जिल्हा परिषद आणि पंचायत समिती निवडणुकीसाठी जोरदार प्रचार सुरू आहे. जानवळ जिल्हा परिषद गट व पंचायत समिती निवडणूक २०२६ साठी वंचित बहुजन आघाडी पक्षाच्या अधिकृत उमेदवारांच्या प्रचारार्थ आयोजित अंजलीताई आंबेडकर यांची जाहीर सभा नागरिकांच्या उत्स्फूर्त प्रतिसादात पार पडली. लातूर जिल्ह्यात जानवळ, जढाळा, हाडोली आणि चाकूर येथे जाहीर सभांचे आयोजन करण्यात आले होते.
सभांमध्ये नागरिकांचा उत्स्फूर्त प्रतिसाद पाहून कार्यकर्त्यांमध्ये नवचैतन्य पसरले. मंचावर वंचित बहुजन युवा आघाडीचे राज्य सदस्य आणि नगरसेवक अमोल लांडगे, महिला आघाडीच्या जिल्हाध्यक्ष मंजुषा निंबाळकर, सुजाता अजनिकर यांच्यासह अनेक पदाधिकारी उपस्थित होते. (Anjali ambedkar election campaign)
वंचित बहुजन आघाडीने स्थानिक निवडणुकीत आपली ताकद सिद्ध करत आहे. पक्षाचे लक्ष आता आणखी गावांमध्ये प्रचार वाढवण्यावर आहे, जेणेकरून जनतेच्या प्रश्नांवर मात करून विकास केंद्रित उमेदवारांना विजय मिळवता येईल. (Anjali ambedkar election campaign)
सभांमध्ये प्रा. आंबेडकर यांनी ठळकपणे सांगितले की, ही निवडणूक फक्त सत्ता मिळवण्यापुरती नाही, तर सामान्य नागरिकांचे हक्क सुरक्षित करण्यासाठी लढाई आहे. त्यांनी आपल्या भाषणात मुख्यत्वे शिक्षण, आरोग्य आणि मूलभूत सुविधा या मुद्द्यांवर भर दिला.
– जिल्ह्यातील शाळांची सुधारणा करून विद्यार्थ्यांना दर्जेदार शिक्षण मिळवून देण्याचे आश्वासन.
– ग्रामीण भागात उच्च दर्जाची आरोग्य सेवा पोहोचवणे हे प्रमुख उद्दिष्ट.
– रस्ते, पिण्याचे स्वच्छ पाणी, वीज व इतर सुविधा प्रत्येक गावात मिळाव्यात यासाठी पक्ष कटिबद्ध असल्याचे सांगितले.
