पुणे: 20 जुलै 2026 रोजी दिल्ली येथील जंतर-मंतर येथे आंदोलनादरम्यान 150 हून अधिक विद्यार्थ्यांवर झालेल्या पोलिस कारवाईच्या निषेधार्थ, तसेच केंद्रीय गृहमंत्री अमित शहा यांच्या पुणे दौऱ्यावेळी वंचित बहुजन आघाडीच्या वतीने काळे झेंडे दाखवून तीव्र निषेध आंदोलन करण्यात आले.
या आंदोलनाचे नेतृत्व पुणे शहराध्यक्ष ॲड. अरविंद तायडे यांनी केले. आंदोलनादरम्यान कार्यकर्त्यांनी “अमित शहा गो बॅक” अशा जोरदार घोषणा देत आपला निषेध व्यक्त केला.
यावेळी मार्केट यार्ड पोलिसांनी ॲड. अरविंद तायडे यांच्यासह वंचित बहुजन आघाडीच्या सुमारे 40 ते 50 कार्यकर्त्यांना ताब्यात घेऊन मार्केट यार्ड पोलीस ठाण्यात नेले. अटकेनंतरही कार्यकर्त्यांनी घोषणाबाजी सुरू ठेवत आपल्या आंदोलनाची भूमिका कायम ठेवली आणि केंद्रीय गृहमंत्री अमित शहा यांच्या विरोधात तीव्र निषेध नोंदविला.
