अकोला: भारतीय बौद्ध महासभा अकोला शहर शाखा आणि अकोला जिल्हा शाखा, तसेच सर्व तालुका शाखांच्या संयुक्त विद्यमाने अशोक वाटिका, अकोला येथे चक्रवर्ती सम्राट अशोक महान यांची 2330 वी जयंती मोठ्या उत्साहात संपन्न झाली.
संस्थेचे ट्रस्टी व राष्ट्रीय कार्याध्यक्ष डॉ. भिमराव यशवंत आंबेडकर यांच्या आदेशानुसार हा कार्यक्रम अकोला शहर शाखेच्या विद्यमाने आयोजित करण्यात आला होता. कार्यक्रमाचे अध्यक्ष होते महाराष्ट्र राज्याचे अध्यक्ष यू. जी. बोराडे. प्रमुख मार्गदर्शक म्हणून संस्थेचे राष्ट्रीय उपाध्यक्ष डॉ. ॲड. जगदीश गवई, तसेच भिक्षू संघाचे राष्ट्रीय उपाध्यक्ष पूज्य भंते शाक्यपुत्र राहुल आणि भंते राजज्योती यांनी मार्गदर्शन केले. महाराष्ट्र राज्याचे संस्कार सचिव डॉ. रविंद्र गवई यांनी देखील उपस्थितांना मार्गदर्शन केले. (Akola Celebrates 2330th Birth Anniversary)
कार्यक्रमाचे प्रास्ताविक अकोला जिल्हा शाखेचे सरचिटणीस नंदकुमार डोंगरे यांनी केले, तर सूत्रसंचालन अकोला शहर शाखा सरचिटणीस यांनी केले.
या प्रसंगी समता सैनिक दलाचे एकूण १५० पेक्षा जास्त स्त्री व पुरुष सैनिकांनी परेड करून तथागत भगवान बुद्ध, चक्रवर्ती सम्राट अशोक महान आणि भारतरत्न डॉ. बाबासाहेब आंबेडकर यांना जनरल सलामी देऊन मानवंदना अर्पण केली. संस्थेचे वरिष्ठ पदाधिकारी डी. बी. शेगावकर यांनी सर्वांचे आभार मानले.
