अहमदाबाद : आयपीएलच्या 2025 चा अंतिम सामना क्रिकेट चाहत्यांसाठी खूप खास असणार आहे. इतिहासात 9 वर्षानंतर पहिल्यांदाच या सामन्यात रॉयल चॅलेंजर्स बंगळुरू आणि पंजाब किंग्ज हे दोन्ही संघ त्यांचे पहिले विजेतेपद जिंकण्यासाठी खेळणार आहेत.
इंडियन प्रीमियर लीग (आयपीएल) 2025 चा आजचा रंगणारा अंतिम सामना हा ऐतिहासिक असेल. गुजरात येथील अहमदाबाद स्टेडीअमवर दि 3 जून 2025 रोजी, रॉयल चॅलेंजर्स बंगळुरू आणि पंजाब किंग्ज हे संघ एकमेकांशी भिडणार आहेत. आज सांयकाळी 7 वाजून 30 मिनिटांनी सुरू होणारी ही लढत विजेतेपदासाठी होणार आहे. हे दोन्ही संघ यंदा टॉप-2 मध्ये होते. आता ते विजेतेपदासाठी एकमेकांना टक्कर देणार आहेत. हा सामना क्रिकेटप्रेमींसाठी खूप खास असणार आहे. कारण आयपीएलमध्ये हे दोन्ही संघ तब्बल 9 वर्षांनंतर जेतेपदासाठी भिडणार आहेत.
9 वर्षांनी आयपीएलमध्ये रंगणार अशी फायनल
रॉयल चॅलेंजर्स बंगळुरू आणि पंजाब किंग्ज आता त्यांच्या पहिल्या आयपीएल जेतेपदासाठी उत्सुक आहेत. हे दोन्ही नविन संघ पहिल्यांदाच अंतिम फेरीत एकमेकांसमोर येत आहेत. या संघानी आतापर्यंत एकदाही आयपीएलचे विजेतेपद जिंकलेले नाही. त्यामुळे आयपीएलला यंदा 2022 नंतर नवीन संघ विजेता म्हणून मिळणार आहे.
