मुंबई – वंचित बहुजन आघाडी विद्यार्थी संघटना सम्यक विद्यार्थी आंदोलन ठाणे जिल्हावतिने “फुले आंबेडकर विचार उत्सव सोहळा -२०२५” आयोजित करण्यात आला होता. दि १ जून रोजी ठाणे येथील टीप टॉप प्लाझा या ठिकाणी हा सोहळा पार पडला. यावेळी १० वी १२ वीच्या विद्यार्थांना करिअरच्या संधींबाबत मार्गदर्शन शिबिर घेण्यात आले.
यावेळी उत्तीर्ण विद्यार्थ्यांना महापुरुषांच्या नावे १६ शिष्यवृत्ती देण्यात आल्या. विद्यार्थांना परदेशी शिक्षणाच्या संधी,मराठी शाळेचे भवितव्य, १०वी १२वी नंतर पुढे काय? अशा महत्त्वाच्या विषयांवर हेमंत सुटे, सुनील कदम व सचिन बनसोडे यांनी मार्गदर्शन केले. या कार्यक्रमास वंचित बहुजन आघाडीचे युवा नेते सुजात आंबेडकर, वंचित बहुजन आघाडीचे राष्ट्रीय खजिनदार महेश भारतीय, प्रदेशाध्यक्ष रेखाताई ठाकुर यांची प्रमुख उपस्थिती होती. यावेळी वंचित बहुजन आघाडी,महीला आघाडी,युवा आघाडी, सम्यक विद्यार्थी आंदोलन व भारतीय बौद्ध महासभेचे पदाधिकारी व कार्यकर्ते मोठ्या संख्येने उपस्थित होते.
