मुबई – महाराष्ट्रात सुरु असलेली मुख्यमंत्री माझी लाडकी बहीण ही योजना मार्च पासून निधी न मिळाल्याने चर्चेचा विषय ठरली होती. सरकारला ही योजना परवडत नसल्याने अर्थ मंत्री अजित पवार यांनी लाडकी बहीण योजनेवर टिका केली होती. त्यामुळे या योजनेतील लाभार्थी महिलांना ही योजना सुरु राहणार की नाही याची चिंता होती. तसेच या योजनेचे पैसे कधी जमा होणार याकडे या बहीणींचे लक्ष्य होत. या पार्शभुमीवर या विभागाच्या मंत्री अदिती तटकरे यांनी योजनेच्या निधी विरणाची प्रकिया पुन्हा केल्याचे ट्विट द्वारे सांगितले आहे. त्यामुळे लाभार्थी बहीणींना दिलासा मिळाला आहे.
त्यांनी म्हटले आहे की, मुख्यमंत्री माझी लाडकी बहीण योजना मे महिन्याच्या सन्मान निधी वितरणाची प्रक्रिया सुरू केली आहे. मुख्यमंत्री माझी लाडकी बहीण योजनेतील सर्व पात्र लाभार्थ्यांना मे महिन्याचा सन्मान निधी वितरित करण्याची तांत्रिक प्रक्रिया आजपासून सुरू करण्यात आली आहे. योजनेच्या सर्व पात्र लाभार्थ्यांच्या आधार लिंकड् बँक खात्यात उद्यापासून हा सन्मान निधी जमा होणार आहे. तसेच महाराष्ट्रातील लाडक्या बहिणींचा दृढ विश्वासाच्या बळावर मुख्यमंत्री माझी लाडकी बहीण योजनेची दमदार वाटचाल यापुढेही अशीच सुरू राहणार हा मला विश्वास आहे असे त्यांनी आपल्या ट्विट मध्ये म्हटले आहे.
