मुंबई : वंचित बहुजन आघाडीच्या वतीने मुंबई येथील छ. शिवाजी महाराज पार्क येथे (ता.२५) रोजी संविधान सन्मान सभेचे आयोजन करण्यात आले आहे. या सभेसाठी वंचित बहुजन आघाडीचे नेते राज्यातील सर्व समुदायांना संविधान सन्मान सभेत येण्यासाठी आवाहन करत आहेत. याच पार्श्वभूमीवर वंचित बहुजन आघाडीचे युवा नेते सुजात आंबेडकर यांनी देखील शीख बांधवांना निमंत्रित केले आहे.
विक्रोळी येथील गुरुद्वारामध्ये भेट देऊन तेथील शीख बांधवांना सूजात आंबेडकरांनी संवाद साधला. यावेळी त्यांनी शीख बांधवांना मुंबई येथे होणाऱ्या संविधान सन्मान सभेला येण्यासाठी आवाहन केले.
