अकोला : महाराष्ट्र प्रदेश काँग्रेस कमिटीच्या महासचिव, राज्य महिला आयोगाच्या सदस्या उत्कर्षा रुपवते यांनी अकोल्यात वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांच्या उपस्थितीत वंचित बहुजन आघाडीत प्रवेश केला. या वेळी वंचितचे राज्य उपाध्यक्ष प्रा. किसन चव्हाण, जिल्हाध्यक्ष विशाल कोळगे उपस्थित होते.
लोकसभा निवडणुकीच्या पार्श्वभूमीवर वंचित बहुजन आघाडीत काँग्रेस, शिवसेना, राष्ट्रवादी आणि राज्यातील अन्य पक्षांतून पक्षप्रवेश होत आहेत. राजकारणात वंचित बहुजन आघाडीने एक मोठी ताकद निर्माण केल्याचे दिसून येत आहे. यामुळे लोकसभा निवडणुकीत वंचित बहुजन आघाडी राज्याच्या राजकारणाला कलाटणी देणार अशा चर्चा सुरू झाल्या आहेत.
