मुंबई : वंचित बहुजन आघाडीच्या वतीने आयोजित केलेल्या संविधान सन्मान महासभेसाठी वंचित बहुजन आघाडीचे राष्ट्रीय अध्यक्ष ॲड.प्रकाश आंबेडकर यांनी काँग्रेसचे नेते राहुल गांधी यांना निमंत्रित करण्यासाठी पत्र पाठवले होते. या पत्राला राहुल गांधी यांनी पत्र पाठवत कळवले आहे की,कार्य बाहूल्यामुळे, पूर्वीचे काही कार्यक्रम ठरलेले असल्यामुळे ते या महासभेस उपस्थित राहू शकत नाही.
तसेच संविधान सन्मान महासभा आणि वंचित बहुजन आघाडीला राहुल गांधी यांनी शुभेच्छा दिल्या आहेत. कार्यक्रमाला उपस्थित राहू शकत नसल्याबद्दल त्यांनी पत्रात दिलगिरी व्यक्त केली आहे. मात्र त्यांच्या बदल्यात उपस्थित राहण्यासाठी काँग्रेस मधील दुसऱ्या कुणाचेही नाव त्यांनी सुचवलेले नाही.
