पुणे : परभन्ना फौंडेशन आयोजित यंदाचा राजकीय सेवाकार्य पुरस्कार प्रबुद्ध भारतचे वृत्तसंपादक जितरत्न पटाईत यांना जाहीर झाला आहे. हा पुरस्कार कृषी, पत्रकारिता, शैक्षणिक, पर्यटन, आरोग्य, संशोधन, राजकारण, कला, विज्ञान तंत्रज्ञान , सांस्कृतिक इत्यादी क्षेत्रांत कार्य करणाऱ्या व्यक्तींना दिला जातो.
वंचित बहुजन आघाडी या ॲड. प्रकाश आंबेडकर यांच्या नेतृत्वातील पक्षात ते कार्यरत आहेत. एक युवा नेतृत्व म्हणून त्यांच्याकडे पाहिलं जातं. पक्षाच्या युवा आघाडी विंगचे ते जळगाव जिल्ह्यातील यावल -रावेर तालुका निरीक्षक पदाची जबाबदारी ते सांभाळत आहेत. फुले,आंबेडकरी चळवळीप्रति असलेली निष्ठा आणि पक्ष वाढीसाठी केलेल्या संघटनात्मक कार्याची दाखल घेत परभन्ना फौंडेशनने जितरत्न पटाईत यांना हा पुरस्कार जाहीर केला आहे.
पुण्यातील महाराष्ट्र साहित्य परिषदेचे, पटवर्धन सभागृह येथे रविवारी (ता.२५ ) रोजी हा पुरस्कार प्रदान सोहळा पार पडणार आहे.
