मुंबई : वंचित बहुजन आघाडीला भाजपची B टीम म्हणून बदनाम करणारे नेते आणि पक्ष स्वतः भाजपची पूर्ण A टीम झाले आहेत. आम्ही कालही आरएसएस-भाजपच्या विरोधात प्रामाणिकपणे लढत होतो, आजही लढत आहोत आणि उद्याही लढत राहू. आम्हाला बदनाम करणारे अनेक राजकारणी भाजपचेच हस्तक असल्याचे आता सिद्ध होत आहे, असे वंचित बहुजन आघाडीचे मुख्य प्रवक्ते सिद्धार्थ मोकळे यांनी ट्विटरच्या माध्यमातून म्हटले आहे.
काँग्रेसचे माजी मुख्यमंत्री अशोक चव्हाण यांनी विधानसभा अध्यक्ष राहुल नार्वेकर यांच्याकडे राजीनामा सोपवला आहे. अशोक चव्हाण आणि काँग्रेसमधील नेत्यांनी अनेक वेळा वंचित बहुजन आघाडी ही भाजप ची B टीम असल्याची टीका केली होती. या पार्श्वभूमीवर सिद्धार्थ मोकळे यांनी ट्विटरच्या माध्यमातून त्यांचा समाचार घेतला आहे.
