अकोला: गेल्या अनेक वर्षापासून अकोल्यातील माँ जिजाऊ सभागृह दुर्लक्षित होते. सभागृहाची अवस्था अतिशय दयनीय होती. याविषयी वंचित बहुजन आघाडीने आक्रमक पवित्रा घेत आंदोलन केले, शहरात स्वाक्षरी मोहीम राबवल्याने अकोला महानगर पालिकेला जाग आली अन सुशोभीकरणाला दिड कोटीचा निधी मिळाला आहे
आज शिवजयंतीचे औचित्य साधून माँ जिजाऊ सभागृहाच्या नूतनीकरण कामाचे भूमीपूजन वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांच्या हस्ते करण्यात आले.
याप्रसंगी वंचितच्या नेत्या प्रा. अंजलीताई आंबेडकर आणि पदाधिकारी उपस्थित होते. तसेच, या कार्यक्रमाला शहरातील नागरिक देखील मोठ्या संख्येने हजर होते.
