‘वंचित’ चे ॲड.डॉ. अरुण जाधव यांनी घेतली परिवाराची भेट !
करमाळा: करमाळा जवळील मौलालीचा माळ येथे १२ फेब्रुवारी रोजी एकनाथ पवार या आदिवासी व्यक्तीचा खून करण्यात आला. पवार यांच्या नातेवाईकांनी फिर्याद दाखल करून आरोपीस अटक करण्याची मागणी केली आहे. या पार्श्वभूमीवर भटके विमुक्त महाराष्ट्र समन्वयक ॲड.डॉ. अरुण जाधव यांनी कुटुंबाची सांत्वनपर भेट घेऊन, त्यांच्या कुटुंबास सर्वोतपरी कायदेशीर मदत करण्याची हमी दिली आहे.
त्यांच्या कुटुंबातील सिंधू पवार, खानसाहेब पवार, औदुंबर पवार, अच्युत पवार हे सर्व उपस्थित होते.
यावेळी आदिवासी वस्तीवरील अनेक समस्यांवर चर्चा करण्यात आली. गायरान, जमीन, घरकुल, अन्याय आणि अत्याचार, नागरिकत्वाचे पुरावे, शिक्षण इत्यादी मुद्द्यांवर चर्चा करण्यात आली.
यावेळी वंचित बहुजन आघाडी ( सोलापूर) उपाध्यक्ष सुभाष ओहोळ, जाकिरभाई आणि कार्यकर्ते उपस्थित होते.
