नागपूर: नागपूर येथे ७ डिसेंबरपासून हिवाळी अधिवेशन सुरू आहे. तृतीपंथीयांच्या नोकरी, १ टक्के समांतर आरक्षण, शिक्षणाच्या मागणीसाठी वंचित बहुजन आघाडीच्या नेत्या, शमिभा पाटील यांच्या नेतृत्वात नागपूर येथील विधान भवनावर तृतीय पंथीयांचा मोर्चा काढण्यात आला.
यावेळी सरकारच्या विरोधात जोरदार घोषणाबाजी करण्यात आली. कोण म्हणतंय देत नाही, घेतल्याशिवाय राहत नाही. या सरकारचं करायचं काय खाली डोकं वर पाय. अशा घोषणा देत आरक्षणाची मागणी मोर्चेकऱ्यांनी केली.
