मुंबई : प्रजासत्ताक दिनाच्या निमित्ताने २६ जानेवारी २०२५ रोजी मुंबई, नवी मुंबई येथील बौध्द समाज संवाद दौ-याचा डॉ. भिमरावजी आंबेडकरांचे हस्ते उद्घाटन सोहळा चैत्यभूमी दादर मुंबई येथे प्रमुख पदाधिकारी ह्यांचे उपस्थिती मध्ये पार पडला.
काळानुरूप बदल करीत समूहाशी थेट संवाद साधण्याचे कौशल्य आणि नवीन तंत्रज्ञान शिकत मार्गक्रमण करीत वंचित ने सुरू केलेल्या संवाद दौऱ्याचे डॉ. भिमराव आंबेडकर यांनी कौतुक शुभेच्छा दिल्या.
या वेळी प्रमुख मार्गदर्शक म्हणून एस. के. भंडारे,(केंद्रीय उपाध्यक्ष) बौध्द महासभा, यु.जी. बोराडे (राज्य अध्यक्ष )बौध्द महासभा, अमित भुईगळ (प्रदेश सदस्य), स्वातीताई शिंदे (राज्य महिला प्रमुख) बौध्द महासभा, महेंद्र रोकडे (मुंबई समन्वयक)वंचित आघाडी प्रामुख्याने हजर होते.कार्यक्रमाचे संचालन मुंबई प्रदेश महिला उपाध्यक्ष स्नेहल सोहनी हिने तर प्रास्ताविक राजेंद्र पातोडे (प्रदेश युवा महासचिव) ह्यांनी केले.ह्यावेळी सोहळ्याला आनंद जाधव (प्रदेश महासचिव) वंचित आघाडी, परमेश्वर रणशुर ( मुंबई प्रदेश अध्यक्ष) वंचित युवा आघाडी,सूनिताताई गायकवाड (मुंबई प्रदेश महिला अध्यक्ष) वंचित महिला आघाडी,विलास वानखडे (मुंबई प्रदेश अध्यक्ष) बौध्द महासभा, एस एस वानखेडे, राष्ट्रीय सचिव,दयानंद बडेकर मुंबई प्रदेश सरचिटणीस, प्रदिप कांबळे चैत्यभूमी व्यवस्थापक, चंदाताई कासले असिस्टंट लेफ्टनंट जनरल वैशालीताई अहिरे तसेच वंचित बहुजन आघाडी, महिला आघाडी, युवक आघाडी, सम्यक विद्यार्थी आंदोलन, माथाडी कामगार, विद्वत सभा, भारतीय बौध्द महासभा – समता सैनिक दल आणि बौध्द महासभा महिला आघाडी प्रमुख पदाधिकारी, जिल्हा तालुका आणि वॉर्ड शाखा पदाधिकारी कार्यकर्ते मुंबई – नवी मुंबई पदाधिकारी कार्यकर्ते मोठ्या संख्येने उपस्थित होते.
