अमरावती येथील सभेत झळकले पोस्टर
अमरावती : अमरावती येथे वंचित बहुजन आघाडीच्या वतीने आयोजित करण्यात आलेल्या लोकशाही गौरव महासभेत सकल मराठ्यांसाठी लढणारे बाळासाहेब आंबेडकर अशा आशयाचे पोस्टर झळकले आहेत.
त्यामुळे मराठा समाजाचा वंचित बहुजन आघाडीकडे कल वाढलेला दिसत आहे. मराठा आरक्षणाच्या मागणीला वंचित बहुजन आघाडी आणि ॲड. प्रकाश आंबेडकर यांनी पाठिंबा दर्शवला आहे.
त्याचबरोबर, मुस्लीम, दलीत, ओबीसी या समुदायांची देखील मोठ्या संख्येने उपस्थिती सभेच्या ठिकाणी पाहायला मिळत आहे. वंचित बहुजन आघाडी हा पक्ष सर्व बहुजनांचे प्रतिनिधित्व करणारा पक्ष असल्याची भावना या सगळ्याच समुदायांची असल्याचे सभास्थळी उपस्थित नागरिकांनी सांगितले.
