माढा : भाजप म्हणत होते की, आम्ही ओबीसींच्या बाजूने आहोत, आम्ही ओबीसींचे नुकसान होऊ देणार नाही. पण काल ते काहीच करू शकले नाहीत. एकनाथ शिंदे यांना जे करायचं होत ते त्यांनी केलं. मात्र, देवेंद्र फडणवीस हे गप्प बसले. अस वक्तव्य वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांनी सोलापूर जिल्ह्यातील माढा येथील ओबीसी परिषदेत केले.
संविधान बदलण्याच षडयंत्र भाजप करत आहे. कारण, संविधान केवळ शिक्षणातलं आरक्षण देत नाही, नोकऱ्यांमधील आरक्षण नाही, तर 6.50 कोटी जे महाराष्ट्राचे बजेट आहे त्यातील 27 टक्के हिस्सा ओबीसीला गेला पाहिजे. असेही आपले संविधान सांगते. भाजप करत असलेला धर्माचा कांगावा हा एक प्रकारचा डाव आहे.आरक्षणवादींच्या आरक्षणावरती यांना डल्ला मारायचा असल्याचे मतही त्यांनी मांडले.
