वंचित बहुजन युवा आघाडीची नवनियुक्त शहर तथा तालुका कार्यकारिणी ची बैठक प्रदेश अध्यक्ष निलेश विश्वकर्मा तथा प्रदेश महासचिव राजेंद्र पातोडे यांच्या प्रमुख उपस्थितीत विश्रामगृह अकोला येथे संपन्न
अकोला दि.१५- वंचित बहुजन युवा आघाडी अकोला शहर तथा तालुका 9नवनियुक्त वंचित बहुजन युवा आघाडीच्या पदाधिकाऱ्यांची बैठक अकोला येथील विश्रामगृह येथे वंचित बहुजन युवा आघाडीचे प्रदेश अध्यक्ष निलेश जी विश्वकर्मा तथा प्रदेश महासचिव राजेंद्र भाऊ पातोडे यांच्या प्रमुख उपस्थितीत बैठक आज संपन्न झाली. या बैठकीला वंचित बहुजन आघाडी चे प्रदेश उपाध्यक्ष डॉ धैर्यवर्धन पुंडकर, महिला आघाडीच्या प्रदेश महासचिव अरुंधती ताई शिरसाट, जिल्हाध्यक्ष प्रमोदभाऊ देंडवे, भारिप जिल्हाध्यक्ष प्रदीपभाऊ वानखडे, समाज कल्याण सभापती आकाश भाऊ शिरसाठ जि प सदस्य रामाभाऊ गव्हाणकर हे प्रामुख्याने उपस्थित होते.
यावेळी प्रदेशाध्यक्ष निलेश जी विश्वकर्मा यांनी सर्व नवनियुक्त पदाधिकाऱ्यांचे त्यांच्या नियुक्ती बद्दल अभिनंदन केले व त्याचप्रमाणे नवनियुक्त पदाधिकारी यांना पक्ष संघटन बळकट करून पक्षाचे विचार तथा बहुजनांचे नेते श्रद्धेय बाळासाहेब आंबेडकर यांचे जे धोरण आहेत की शेकडो वर्षापासून सत्तेतून वंचित असलेला समूह अशा समूहाला सत्तेची दार उघडी करून देण्याचे जे धोरण आहे या धोरणाची माहिती तथा पक्षाची विचारधारा अधिकाधिक लोकांपर्यंत पोहोचवावे आणि वेळप्रसंगी समाजातील लोकांच्या मदतीला वंचित बहुजन युवा आघाडीचे सैनिक म्हणून धावून जावे असे सांगितल.
या बैठकीमध्ये वंचित बहुजन युवा आघाडीचे प्रदेश महासचिव राजेंद्र पातोडे यांनी वंचित बहुजन युवा आघाडी नवनियुक्त विविध कार्यकारणी मध्ये कशाप्रकारे सर्व समाजातील युवकांना प्रतिनिधित्व करण्याची संधी ही पक्षाच्या वतीने देण्यात आली हे प्रदेशाध्यक्ष यांच्या निदर्शनास आणून दिले.
या बैठकीमध्ये वंचित बहुजन युवा आघाडीच्या पुढील नवनियुक्त पदाधिकारी प्रामुख्याने उपस्थित होते.
अकोला पूर्व:- जयभाऊ तायडे(अध्यक्ष), आशिष गिरी,(महासचिव),सतीश यादव(संघटक)
अकोला पश्चिम:- आशिषभाऊ मांगुळकर (अध्यक्ष),कुणालभाऊ राऊत (महासचिव),
बार्शीटाकळी तालुका:- अमोलभाऊ जामनिक(अध्यक्ष), अक्षय राठोड (महासचिव)कृष्णा पाटील (संघटक) निलेश खंडारे (कोषाध्यक्ष)
तेल्हारा तालुका:- जिया शहा (अध्यक्ष)अनंत इंगळे( संघटक)
अकोट तालुका:- मयूर सपकाळ (अध्यक्ष) निशांत राठोड( महासचिव) नंदकिशोर मापारी (कोषाध्यक्ष)
बाळापुर तालुका:- संदीप भाऊ वानखडे (अध्यक्ष)सचिन रोहनकर (महासचिव)
या सर्व पदाधिकाऱ्यांनी त्यांच्या तालुका तथा शहराच्या वतीने प्रदेशाध्यक्ष तथा प्रदेश महासचिव यांचा सत्कार केला या बैठकीचे सूत्रसंचालन अकोला पश्चिमचे युवा आघाडीचे महासचिव कुणाल भाऊ राऊत यांनी केले तर आभार प्रदर्शन अकोला पूर्वचे युवा आघाडीचे अध्यक्ष जय भाऊ तायडे यांनी केले.
