मुंबई : वंचित बहुजन आघाडीच्या वतीने १ ऑक्टोबर २०२६ रोजी मुंबईतील छत्रपती शिवाजी महाराज टर्मिनल्स येथे आयोजित करण्यात आलेल्या इराण समर्थनार्थ आंदोलनाला परभणी जिल्ह्यातील बेलदार वेल्फेअर फाउंडेशनचे अध्यक्ष शेख मकदुम शेख जिलानी यांनी पाठिंबा जाहीर केला आहे.
वंचित बहुजन आघाडीचे राष्ट्रीय अध्यक्ष अॅड. प्रकाश आंबेडकर यांच्या मार्गदर्शनाखाली हे आंदोलन आयोजित करण्यात आले आहे. भारताने इराणसोबत असल्याचा संदेश केंद्र सरकारपर्यंत पोहोचविण्यासाठी हे आंदोलन करण्यात येणार आहे.
या आंदोलनाला सकल मुस्लीम समाज आरक्षण कृती समिती, परभणी जिल्हा यांचाही संपूर्ण पाठिंबा असल्याचे सांगण्यात आले आहे. तसेच समितीचे कार्यकर्ते आंदोलनात सहभागी होऊन कार्यक्रम यशस्वी करण्यासाठी प्रयत्न करतील, अशी भूमिका निवेदनाद्वारे व्यक्त करण्यात आली आहे.
१ ऑक्टोबर रोजी दुपारी १ वाजता छत्रपती शिवाजी महाराज टर्मिनल्स, मुंबई येथे हे आंदोलन आयोजित करण्यात आले आहे.
