तुळजापूर : वंचित बहुजन आघाडीने विद्यार्थ्यांच्या समर्थनार्थ आणि विविध मागण्यांसाठी पुकारलेल्या महाराष्ट्र बंदला तुळजापूर शहरात उत्स्फूर्त प्रतिसाद मिळाला. बंदच्या पार्श्वभूमीवर शहरातील मुख्य बाजारपेठ पूर्णपणे बंद राहिली. नागरिक, व्यापारी आणि विविध सामाजिक-राजकीय संघटनांच्या पदाधिकारी व कार्यकर्त्यांनी बंदला सक्रिय पाठिंबा दर्शविला.
वंचित बहुजन आघाडीचे राष्ट्रीय अध्यक्ष ॲड. बाळासाहेब आंबेडकर यांच्या आवाहनाला प्रतिसाद देत तुळजापूर शहरातील आंदोलनात शहराध्यक्ष मिलिंद रोकडे, शहराध्यक्ष जीवन कदम, सचिव रवी साखरे यांच्यासह अनेक कार्यकर्ते सहभागी झाले.
या बंदला शेतकरी कामगार पक्षाचे उत्तम नाना अमृतराव, राष्ट्रवादी काँग्रेस (शरद पवार गट)चे अमर चोपदार, जनहित संघटनेचे नेते अजय भैय्या साळुंखे, शिवसेना (उद्धव बाळासाहेब ठाकरे)चे अर्जुन साळुंखे, महाराष्ट्र नवनिर्माण सेनेचे जिल्हाध्यक्ष महेश जाधव, स्वराज संघटनेचे जिल्हाध्यक्ष महेश गवळी, प्रसिद्ध व्यापारी शिवानंद शिंदे, सलून पार्लर संघटनेचे सुरेश चौधरी, मानवी हक्क अभियानचे जिल्हा उपाध्यक्ष श्रीकांत वाघे, मराठा आरक्षणाचे समर्थक तेजस बोबडे तसेच काँग्रेसचे नेते नरेश पेंदे यांनी पाठिंबा दिला.
याशिवाय कमलेश कदम, मयूर गाढवे, धनाजी साठे, विशाल माने, विशाल पाटील, कुमार टोले, बाजीराव साबळे, सुधीर मस्के, सुरज विटकर, अनिल डावरे, समाधान चंदनशिवे, आत्माराम सोनवणे आणि ऋषिकेश डावरे यांच्यासह अनेक कार्यकर्ते व नागरिक मोठ्या संख्येने आंदोलनात सहभागी झाले.
