शेवगाव : दिल्ली येथील जंतर-मंतरवर सुरू असलेल्या आंदोलनाला पाठिंबा दर्शवण्यासाठी सोमवारी (दि. २०) शेवगाव शहरातील क्रांती चौकात रास्ता रोको आंदोलन करण्यात आले.
या आंदोलनात विविध राजकीय पक्षांचे पदाधिकारी, सामाजिक कार्यकर्ते, विद्यार्थी, विद्यार्थिनी, पालक तसेच शहर व तालुक्यातील नागरिक मोठ्या संख्येने सहभागी झाले होते.
वंचित बहुजन आघाडीचे प्रदेश उपाध्यक्ष प्रा. किसन चव्हाण यांच्या नेतृत्वाखाली आंदोलन करण्यात आले. लोकशाही आणि संविधानमानणारे पक्ष आणि संघटनाचे पदाधिकारी कार्यकर्ते यांच्यासह विविध शाळा व महाविद्यालयांतील विद्यार्थी-विद्यार्थिनी आणि नागरिक मोठ्या संख्येने उपस्थित होते.
आंदोलनादरम्यान आंदोलनकर्त्यांनी आपल्या मागण्यांकडे शासनाने तातडीने लक्ष द्यावे, अशी मागणी केली. रास्ता रोकोमुळे काही काळ वाहतुकीवर परिणाम झाला असून, परिस्थिती सुरळीत ठेवण्यासाठी पोलीस प्रशासनाने आवश्यक बंदोबस्त तैनात केला होता.
