औरंगाबाद : औरंगाबाद महानगरपालिकेच्या अत्यंत महत्त्वाच्या मानल्या जाणाऱ्या स्थायी समितीच्या सदस्य निवडी नुकत्याच जाहीर झाल्या. यामध्ये वंचित बहुजन आघाडीचे नगरसेवक आणि राज्य सदस्य अमित भुईगळ यांची सदस्य म्हणून वर्णी लागली आहे.
महानगरपालिकेच्या स्थायी समितीमध्ये एकूण १६ सदस्य असतात. पालिकेच्या तिजोरीच्या चाव्या ज्यांच्या हातात असतात, अशा या समितीवर भुईगलळ यांची निवड झाल्याने वंचित बहुजन आघाडीच्या कार्यकर्त्यांमध्ये उत्साहाचे वातावरण आहे. स्थायी समितीमध्ये निवडून आलेल्या पक्षाच्या प्रतिनिधींचा समावेश करण्यात येतो.
